ट्रम्पले धातुमाथि लगाइएको शुल्क हटाए, अटोमोबाइल आयात शुल्कमा यस्तो निर्णय

May 19, 2019 Merolagani

अमेरिकी राष्ट्रपति डोनाल्ड ट्रम्पले मेक्सिको र क्यानडाबाट आयात हुने धातुहरु (स्टील, आल्मुनियम) मा लगाइएको शुल्क हटाउने निर्णय गरेका छन् । बदलामा अमेरिकी किसानहरुले यि देशमा पोर्क, चीज र दुधजन्य व्यवसायका लागि दण्डस्वरुप कर दिन नपर्ने सम्झौता गरिएको बताइएको छ ।

यसका साथै ट्रम्पले यूरोप, जापान तथा अन्य देशहरुबाट आयातित अटोमोबाइल (कार र पूर्जा) माथि शुल्क लगाउनका लागि ६ महिनासम्म निर्णय पछि सार्नका लागि पनि सहमति जनाएका छन् ।

यि दुवै कामहरु विश्वव्यापी व्यापार युद्धको खतरालाई अन्त्य गर्ने दिशामा एउटा महत्वपूर्ण कदम मानिएको छ । यसपछि अब ट्रम्पले आफ्नो पूरै ध्यान चीनमाथि केन्द्रित गर्न सक्ने बताइएको छ ।

गत वर्ष राष्ट्रिय सुरक्षाको कारण देखाउदै ट्रम्पले केही देशबाट आयात हुने धातुहरुमा भारी शुल्क लगाएका थिए ।

अमेरिका र क्यानडाले आफ्नो संयुक्त बयानमा स्टीलमा लगाइएको २५ प्रतिशत र आल्मुनियममा लगाइएको १० प्रतिशत आयात शुल्क ४८ घण्टाभित्र समाप्त हुने बताएका छन् ।

यद्यपी ट्रम्पले यूरोपिय देशबाट आयात हुने स्टील र आल्मुनियममाथि लगाइएको आयात शुल्क भने हटाएका छैनन । तर कार र कारको पूर्जामाथि लाग्ने आयात शुल्क भने ६ महिनाका लागि स्थगित गरिदिएका छन् । एजेन्सी


comments powered by Disqus

नाडा अटाे साे भदाै १० देखि भृकुटी मण्डपमा हुने

Aug 18, 2019 06:41 PM

काठमाडौंको भृकुटीमण्डपमा नाडा अटो शो  हुने भएको छ । यहि भदौ १० गतेदेखि शुरू हुने अटो सोमा ९५ ब्राण्डका सवारी साधन र त्यसमा प्रयोग हुने सामाग्री रहने आयोजकले बताएको छ ।