यसका साथै ट्रम्पले यूरोप, जापान तथा अन्य देशहरुबाट आयातित अटोमोबाइल (कार र पूर्जा) माथि शुल्क लगाउनका लागि ६ महिनासम्म निर्णय पछि सार्नका लागि पनि सहमति जनाएका छन् ।
यि दुवै कामहरु विश्वव्यापी व्यापार युद्धको खतरालाई अन्त्य गर्ने दिशामा एउटा महत्वपूर्ण कदम मानिएको छ । यसपछि अब ट्रम्पले आफ्नो पूरै ध्यान चीनमाथि केन्द्रित गर्न सक्ने बताइएको छ ।
गत वर्ष राष्ट्रिय सुरक्षाको कारण देखाउदै ट्रम्पले केही देशबाट आयात हुने धातुहरुमा भारी शुल्क लगाएका थिए ।
अमेरिका र क्यानडाले आफ्नो संयुक्त बयानमा स्टीलमा लगाइएको २५ प्रतिशत र आल्मुनियममा लगाइएको १० प्रतिशत आयात शुल्क ४८ घण्टाभित्र समाप्त हुने बताएका छन् ।
यद्यपी ट्रम्पले यूरोपिय देशबाट आयात हुने स्टील र आल्मुनियममाथि लगाइएको आयात शुल्क भने हटाएका छैनन । तर कार र कारको पूर्जामाथि लाग्ने आयात शुल्क भने ६ महिनाका लागि स्थगित गरिदिएका छन् । एजेन्सी