नेप्सेले कम्पनीको पहिलो कारोबारको लागि ९८ रुपैयाँ ३६ पैसा देखि २९५ रुपैयाँ ०८ पैसा ओपनिङ्ग रेन्ज तोकेको छ । बुधबार त्यही आधारमा कारोबार खुल्नेछ ।
नेप्सेले कम्पनीको कारोबार खुला गर्दा प्रतिशेयर नेटवर्थको तीन गुणासम्मको अधिकतम रेञ्ज प्रदान गर्ने गरेको छ ।
कम्पनीको साधारण शेयर सहित कूल ९९ लाख कित्ता शेयर सोमबार नेप्सेमा सूचीकृत भएको थियो ।
हिमालय ऊर्जाले चैत २० देखि २५ गतेसम्म जारी पूँजी ९९ करोड रुपैयाँको १५ प्रतिशत बराबरको कूल १४ लाख ८५ हजार कित्ता साधारण शेयर निष्काशन गरि गत वैशाख ३ गते बाँडफाँड गरेको थियो । आईपिओमा अधिकांश आवेदकले २० कित्ता र ३ प्रतिशत आवेदकले १० कित्ता शेयर पाएका थिए ।
कम्पनीले रामेछाप र दोलखा जिल्लाको सीमा भएर बहने खिम्ति खोलामा कम्पनीले १२ मेगावाटको उपल्लो खिम्ति र ७ मेगावाटको अपर खिम्ति– आई आई गरी कुल १९ मेगावाटका आयोजनाहरु निर्माण गरिरहेको छ ।