अमेरिकाले राष्ट्रिय सुुरक्षाको कारण देखाउँदै गत हप्ता मात्र हुवावेलाई एनटिटी सूचीमा राखिदिएको थियो । जसअनुसार, हुवावेले अमेरिकी सरकारको लाइसेन्स बिना त्यहाँको कम्पनीबाट आवश्यक पार्टपूर्जा र प्रविधि किन्न पाउने छैन ।
अमेरिकी वाणिज्य सचिव विल्बर रोसका अनुसार, हुवावेलाई छुट दिएमा उसको उकरणमा निर्भर अमेरिकी र अन्य देशका कम्पनीहरूलाई लामो अवधिको निर्णय लिनसक्ने समय प्राप्त हुनेछ । यसबाट हुवावेको मोबाइल फोन प्रयोगकर्ताहरू पनि तत्कालका लागि चिन्तित हुन पर्दैन ।
हुवावे विश्वको सबैभन्दा ठूलो दुरसञ्चार उपकरण निर्माता र दोस्रो ठूलो स्मार्टफोन बेच्ने कम्पनीको ?पमा रहेको छ । उसले कयौँ प्रविधि र उपकरण अमेरिकी कम्पनीबाट किन्दै आइरहेको छ ।
तर अमेरिकाले केही समय पहिलेदेखि नै चीनले हुवावेको उपकरणहरूका माध्यमबाट जासुसी गर्न सक्ने आरोप लगाउँदै आएको छ । उसले आफ्ना सहयोगी देशहरूलाई पनि हुवावेलाई वहिष्कार गर्नका लागि आग्रह गर्दै आइरहेको थियो ।
- एजेन्सी
