गुराँस लघुवित्तको मंगलबारदेखि शेयर कारोबार खुल्यो, GLBSL संकेतमा कारोबार हुने

May 28, 2019 Merolagani

गुराँस लघुवित्तको जेठ १४ गते मंगलबार देखि शेयर कारोबार खुल्ने भएको छ। नेप्सेले कम्पनीको शेयर कारोबारका लागि जीएलबिएसएल (GLBSL) कारोबार संकेत प्रदान गरेको छ ।

नेप्सेले लघुवित्तको पहिलो शेयर कारोबारका लागि नेटवर्थदेखि अधिकतम नेटवर्थको तीन गुणासम्म ओपनिङ्ग रेञ्ज प्रदान गरेको छ । यसअनुसार कम्पनीको शेयर न्यूनतम ९२ रुपैयाँ ७२ पैसादेखि अधिकतम २७८ रुपैयाँ १६ पैसासम्मको रेञ्जमा कारोबार सुरु हुनेछ ।

कम्पनीले सर्वसाधारणलाई निष्काशन गरेको २ लाख ३३ हजार ६२५ कित्ता शेयर आईपिओ सहित कूल ७ लाख ७५ हजार कित्ता शेयर सोमबार नेप्सेमा कारोबारका लागि सूचीकृत गरेको थियो।

गुराँस लघुवित्तले बैशाख १६ गते देखि २ लाख ३३ हजार ६२५ कित्ता शेयर आईपिओ निष्काशनमा गरी बैशाख २६ गते बाँडफाँड गरेको थियो। लघुवित्तको आईपिओमा ३ लाख १ हजार ३९६ जना लगानीकर्तामध्ये जम्मा २३ हजार ३६३ जनाले गोलाप्रथा मार्फत १० कित्ताका दरले शेयर प्राप्त गरेका थिए।

धनकुटामा केन्द्रीय कार्यालय रहेको लघुवित्तको आईपिओ निष्काशन पछि चुक्ता पूँजी ७ करोड ७५ लाख रुपैयाँ पुगेको छ । यस अघि नै संस्थापक समूहबाट ५ करोड २५ लाख रुपैयाँ चुक्ता भैसकेको थियो।


comments powered by Disqus

नाडा अटाे साे भदाै १० देखि भृकुटी मण्डपमा हुने

Aug 18, 2019 06:41 PM

काठमाडौंको भृकुटीमण्डपमा नाडा अटो शो  हुने भएको छ । यहि भदौ १० गतेदेखि शुरू हुने अटो सोमा ९५ ब्राण्डका सवारी साधन र त्यसमा प्रयोग हुने सामाग्री रहने आयोजकले बताएको छ ।