सिभिल बैंकको हालै बसेको संचालक समितिको बैठकले संचालकहरु प्रतापजंग पाण्डे र अमिर बोगटीलाई मर्जर तथा एक्विजिशनको साझेदारको टुंगो लगाउन आबश्यक पहल गर्ने जिम्मेवारी दिएको बताईएको छ ।
सिभिल बैंक सुत्रले मर्जर तथा एक्विजिशनमा जान प्रारम्भिक चरणका कुराहरु अगाडि बढाई त्यससम्बन्धी समिति गठन गरिएको जनाएको छ। समितिमा कर्मचारीको तर्फबाट सदस्य चयन हुन बाँकी छ ।
मर्जर तथा एक्विजिशनमा जान चेपुवामा परेको एउटा बैंकले सिभिलसँग प्रारम्भिक चरणको कुरा गरेको बुझिएको छ ।
आठ अर्ब चुक्ता पूँजी, एक अर्ब ६३ करोड जगेडा कोष, ३९ अर्ब निक्षेप र ४१ अर्ब कर्जा प्रबाह गरेको बैंकको निस्क्रिय कर्जा अनुपात बढेर ३.९७ प्रतिशत पुगेको छ। बैंकले यस बर्षको तेस्रो त्रैमाससम्म ४९ करोड खुद नाफा गरेर प्रतिशेयर आम्दानी ६ रुपैयाँ कायम गरेको छ ।
विगतमा आईएलएफसी, हामा फाईनान्स जस्ता कम्पनीहरुलाई आफुमा मिसाएको सिभिलको अबस्था सुध्रिन नसकेपछि बलियो कम्पनीसँग फेरि मर्जरमा जानुपर्ने दबाबमा परेको छ।
