क्यापिटलका अनुसार जेठ १७ गते शुक्रबार बिहान १० बजेसम्ममा ३ लाख ३२ हजार ९७५ आबेदनबाट ६८ करोड ४३ लाख रुपैयाँ बराबरको ६८ लाख ४३ हजार कित्ता शेयर माग भएको हो ।
लघुवित्तको आईपिओमा ६८ करोड ४३ लाख रुपैयाँ बराबरको आबेदन परेको छ । जुन सर्वसाधारणलाई निष्काशन गरेको ६ करोड २९ लाख ९३ हजार रुपैयाँ बराबरको ६ लाख २९ हजार ९३० कित्ता शेयरको ११.८६ गुणा बढी हो ।
लघुवित्तले जेठ १३ देखि १६ गते बिहीबार सम्म जारी पूँजी २० करोड ७४ लाख रुपैयाँको ३२.५० प्रतिशत अर्थात कूल ६ करोड ७४ लाख रुपैयाँ बराबरको ६ लाख ७४ हजार कित्ता आईपिओ निष्काशन गरेको थियो ।
जसमध्ये ३३ हजार ७०० कित्ता शेयर सामूहिक लगानी कोषहरु र १० हजार ३७० कित्ता शेयर लघुवित्तका कर्मचारीलाई छुट्याइएको छ भने बाँकी ६ लाख २९ हजार ९३० कित्ता शेयर सर्वसाधारणको लागि बिक्रीमा ल्याएको थियो ।
धितोपत्र निष्काशन तथा बाँडफाँड निर्देशिका अनुसार लघुवित्तको आईपिओ ६२ हजार ९९३ जनाले मात्रै १० कित्ताका दरले शेयर पाउनेछन् ।
गण्डकी प्रदेश, नवलपुर जिल्ला, गैडाकोट नगरपालिका वडा नं ०२ कालीगण्डकी चोकमा कम्पनीको रजिष्टर्ड कार्यालय रहेको इन्फिनिटी लघुवित्त वित्तीय संस्थाको हाल १४ करोड रुपैयाँ चुक्ता पूँजी रहेको छ । इन्फिनिटीको आईपिओ बिक्रीपछि २० करोड ७४ लाख पुग्नेछ । लघुवित्तको अधिकृत पूँजी ५० करोड रहेको छ ।