बजार दोहोरो अंकले घट्दा शेयर मूल्य बढ्ने यस्ता छन् कम्पनी

Jun 03, 2019 Merolagani

शेयर बजारका कारोबारीहरु नाफा सुरक्षित गर्ने होडमा लाग्दा सोमबारको शेयर बजारमा दोहोरो अंकको गिरावट आएको छ भने कारोबार रकम समेत खुम्चिएको छ । बजार दोहोरो अंकले घट्दा अधिकांस कम्पनीको शेयर मूल्य घट्दा केही साना कम्पनीहरुको भने शेयर मूल्य बढेको छ ।

सोमबार नेप्से सूचक १२.८४ अंकले घटेर १२९२.८४ अंकमा झरेको छ । यो साताको दुई दिनमा कारोबारमा नेप्से सूचका २३ अंक बढीको गिरावट आएको छ ।

नेप्से सूचक घटेसँगै कारोबार रकम पनि ६९ करोड ८७ लाख रुपैयाँमा खुम्चिएको छ। आइतबार शेयर बजारमा १३ अंकले गिरावट हुँदा ७५ करोड २० लाख रुपैयाँको कारोबार भएको थियो । १ सय ७१ वटा कम्पनीको कारोबार हुँदा १२९ कम्पनीको शेयर मूल्य ओरालो लागेको छ भने २३ वटाको मात्र बढेको छ।

शेयर मूल्य बढ्नेमा अधिकांस साना कम्पनीहरु देखिएका छन् । तारा गाँउ रेजन्सी होटलको शेयर मूल्य सबैभन्दा धेरै साढे सात प्रतिशतले उकालो लागेको छ । गुराँस लघुवित्त, कन्काई विकास बैंक, रिलायन्स फाइनान्स, मल्टिपर्रपोज फाइनान्स, सिन्धु विकास तथा कणाली विकास बैंक लगायत २३ कम्पनीको मात्र शेयर मूल्य बढेको छ ।

बजेट अगावै बढेको बजारमा अल्पकालिन नाफा बुक गर्नेहरु सक्रिय हुँदा शेयर बिक्रीको चापले बजार ओरालो लागेको हो । जसले गर्दा कारोबारमा आएका सबै समूहका सूचक राताम्मे बनेका छन् ।
यस दिन सबैभन्दा धेरै एनआइसी एशिया बैंकको ९ करोड रुपैयाँको कारोबार भएको छ । दोस्रोमा शिवम् सिमेन्टको ६ करोड रुपैयाँको कारोबार भएको छ।

यसदिन पाँचथर पावरको शेयरमूल्य सबैभन्दा धेरै झण्डै दश प्रतिशतले घटेको छ । कर्पोरेट डेभलपमेन्ट, वल्र्ड मर्चेन्ट, माउन्ट हाइड्रो तथा स्पर्श लघुवित्त लगायतको शेयर मूल्य घटेको छ ।


comments powered by Disqus

नेप्सेमा सुचीकृत ८२ कम्पनीको कारोबार रोक्का, ठूला कम्पनीले नै तिर्दैनन् नविकरण शुल्क

Oct 18, 2019 06:00 PM

नेपाल स्टक एक्सचेन्जले ८२ कम्पनीको शेयर कारोबर रोक्का गरेको छ । नेप्सेमा सुचीकृत कम्पनीले बार्षिक रुपमा तिर्नुपर्ने नविकरण शुल्क नबुझाएपछि शेयर कारोबार रोक्का भएको हो ।