ङादी ग्रुप पावरको नाफा चालु आर्थिक वर्षको तेस्रो त्रैमासमा ३.५३ प्रतिशतले घटेको छ । गत वर्षको यसै अवधिमा ४ करोड ३२ लाख रुपैयाँ नाफा आर्जन गरेको कम्पनीले चालु आर्थिक वर्षको तेस्रो त्रैमासमा ४ करोड १६ लाख रुपैयाँ नाफा आर्जन गरेको छ ।
विद्युत विक्री मार्फतको आम्दानी घटेकाले र आयोजना खर्च बढेकाले कम्पनीको नाफामा गिरावट देखिएको हो ।
गत वर्षको यसै अवधिमा विद्युत बेचेर १० करोड ९९ लाख रुपैयाँ आम्दानी गरेको कम्पनीले चालु आर्थिक वर्षको तेस्रो त्रैमासमा १० करोड ६६ लाख रुपैयाँ मात्र आम्दानी गरेको छ । कम्पनीको आयोजना खर्च ७ लाख ८३ हजार रुपैयाँले बढेको छ ।
कम्पनीले अन्य स्रोत मार्फत ११ लाख ७१ हजार रुपैयाँ आम्दानी गरेको छ । गत वर्षको यसै अवधिमा कम्पनीले ३ लाख ७१ हजार रुपैयाँ आम्दानी गरेको थियो ।
चुक्ता पूँजी ५३ करोड ५५ लाख रुपैयाँ रहेको कम्पनीको जगेडा कोषमा ४ करोड ५२ लाख रुपैयाँ सञ्चित छ ।
प्रतिशेयर आम्दानी १० रुपैयाँ ३८ पैसा रहेको कम्पनीको प्रतिशेयर नेटवर्थ १०८ रुपैयाँ ४४ पैसा र मूल्य आम्दानी अनुपात ११.५६ गुणा बढी छ ।