सर्वसाधारणबाट ६ करोड ७४ लाख रुपैयाँ बराबरको आईपिओ निष्काशन गरिएकोमा साढे ११ गुणा बढीको माग आवेदन परेको छ।
लघुवित्तको बिक्री प्रबन्धक सिभिल क्यापिटलका अनुसार लघुवित्तको आईपिओमा ६८ करोड रुपैयाँ बराबरको ६८ लाख बढी कित्ता शेयर माग भएको छ। ३ लाख ३२ हजार ९७५ आवेदनबाट सो माग भएको हो।
क्यापिटलका अनुसार धितोपत्र निष्काशन तथा बाँडफाँड निर्देशिका अनुसार ६२ हजार ९९३ जनालाई गोलाप्रथाबाट १० कित्ताका दरले आईपिओ बाँडफाँड हुनेछ ।
यसअनुसार आईपिओमा आवेदन गरेका एक सय जना आवेदकमध्ये १९ जनाले मात्र लघुवित्तको आईपिओ प्राप्त गर्नेछन् भने ८१ जना आवेदकको हात खाली हुने निश्चित देखिन्छ।
लघुवित्तले जेठ १३ देखि १६ गते बिहीबारसम्म जारी पूँजी २० करोड ७४ लाख रुपैयाँको ३२.५० प्रतिशत आईपिओ निष्काशन गरेको थियो। कूल ६ लाख ७४ हजार कित्ता आईपिओ निष्काशन भएकोमध्ये ३३ हजार ७०० कित्ता शेयर सामूहिक लगानी कोषहरु र १० हजार ३७० कित्ता शेयर लघुवित्तका कर्मचारीलाई छुट्याइएको छ।