नेप्सेले बोनस पश्चात सूर्या लाईफ इन्स्योरेन्सको समायोजित शेयरमूल्य प्रतिकित्ता ५०० रुपैयाँ निर्धारण गरेको छ। कम्पनीको नेप्सेमा १८० दिन कारोबार भएको शेयरमूल्यको आधारमा औसत आधारमूल्य ६१३ रुपैयाँ ६१ पैसा कायम भएको छ।
धितोपत्रको दोस्रो बजारमा जेठ २७ गते सोमबार कम्पनीको शेयर प्रतिकित्ता ५६० रुपैयाँमा कारोबार बन्द भएको थियो।
कम्पनी सञ्चालक समितिको बैठकले असार ११ गते आह्वान गरेको एघारौं वार्षिक साधारण सभा तथा वितरण प्रयोजनका लागि कम्पनीले जेठ २८ देखि असार ४ गतेसम्म शेयरधनी दर्ता किताब बन्द गर्ने निर्णय अनुसार मंगलबार बुकक्लोज गरेको हो।
यसअनुसार जेठ २७ गते सोमबारसम्म नेप्सेमा कारोबार भई कायम रहने शेयरधनीले मात्र गत आवको लाभांश र कम्पनीको साधारण सभामा सहभागि हुन पाउनेछन्।
बीमा समितिले तोकेको चुक्ता पूँजी कायम गर्न कम्पनीले ७० प्रतिशत हकप्रद जारी गर्दैछ । धितोपत्र बोर्डबाट उक्त हकप्रद निष्काशनको अनुमति पाइसकेको छ यद्यपी हकप्रद बिक्रीका बुकक्लोज मिति भने तोकेको छैन।
७० प्रतिशत हकप्रदपछि सूर्या लाईफको चुक्ता पूँजी २ अर्ब ६ करोड ५८ हजार रुपैयाँको उचाईमा पुग्नेछ ।