दुई आर्थिक वर्षको साधारण सभा एकैपटक गरेको फाइनान्सले कुनै बैंक तथा वित्तीय संस्थासँग एक आपसमा गाभ्ने र गाभिने (मर्जर) वा विलय (एक्विजिसन) गर्न संचालक समितिलाई अख्तियारी दिएको छ ।
साथै फाइनान्सले आर्थिक वर्ष २०७३/०७४ को संचित मुनाफाबाट कुल चुक्ता पूँजीको १२ प्रतिशत बोनस र ०.६३ प्रतिशत नगद लाभांश वितरण गर्ने प्रस्ताव पारित गरेको छ । अघिल्लो बर्ष ४५ प्रतिशत हकप्रद बिक्री गरेको कम्पनीको हकप्रद र बोनस पश्चात चुक्ता पूँजी ८३ करोड २४ लाख पुगेको छ ।
यस्तै आव २०७४/०७५ को मुनाफाबाट तत्पश्चात कायम चुक्ता पूँजी ८३ करोड २४ लाख रुपैयाँको २.६३ प्रतिशत अर्थात २ करोड १९ लाख रुपैयाँ नगद लाभांश वितरण गर्ने प्रस्ताव पारित गराएको छ ।
यसैगरी साधारण सभाले संस्थापक शेयरधनीको तर्फबाट ३ जना र सर्वसाधारण शेयरधनीहरुको समुहबाट ३ प्रतिनिधित्व गर्ने गरी ६ जना संचालकको चयन गरेको छ ।