रिलायन्स फाइनान्स पनि मर्जरमा जाने, दुई आर्थिक वर्षको लाभांश पारित

Jun 11, 2019 merolagani

रिलायन्स फाइनान्स (RLFL) को जेष्ठ २७ गते एकसाथ सम्पन्न आठौं र नवौं वार्षिक साधारण सभाले अन्य संस्थासँग मर्जर तथा एक्विजिसनमा जाने प्रस्ताव पारित गरेको छ ।

दुई आर्थिक वर्षको साधारण सभा एकैपटक गरेको फाइनान्सले कुनै बैंक तथा वित्तीय संस्थासँग एक आपसमा गाभ्ने र गाभिने (मर्जर) वा विलय (एक्विजिसन) गर्न संचालक समितिलाई अख्तियारी दिएको छ ।

साथै फाइनान्सले आर्थिक वर्ष २०७३/०७४ को संचित मुनाफाबाट कुल चुक्ता पूँजीको १२ प्रतिशत बोनस र ०.६३ प्रतिशत नगद लाभांश वितरण गर्ने प्रस्ताव पारित गरेको छ । अघिल्लो बर्ष ४५ प्रतिशत हकप्रद बिक्री गरेको कम्पनीको हकप्रद र बोनस पश्चात चुक्ता पूँजी ८३ करोड २४ लाख पुगेको छ ।

यस्तै आव २०७४/०७५ को मुनाफाबाट तत्पश्चात कायम चुक्ता पूँजी ८३ करोड २४ लाख रुपैयाँको २.६३ प्रतिशत अर्थात २ करोड १९ लाख रुपैयाँ नगद लाभांश वितरण गर्ने प्रस्ताव पारित गराएको छ ।

यसैगरी साधारण सभाले संस्थापक शेयरधनीको तर्फबाट ३ जना र सर्वसाधारण शेयरधनीहरुको समुहबाट ३ प्रतिनिधित्व गर्ने गरी ६ जना संचालकको चयन गरेको छ ।

 


comments powered by Disqus

हिमाल दोलखाको आईपीओ बाँडफाँड, निष्काशित सबै शेयर बिक्री नहुँदा चार प्रत्याभूतिकर्ताको थाप्लोमा

Aug 22, 2019 07:57 PM

हिमाल दोलखा हाइड्रोपावर (HIMAL) ले निष्काशन गरेको साधारण शेयर बिहीबार बिक्री प्रबन्धक ग्लोबल आईएमई क्यापिटलको कार्यालयमा बाँडफाँड भएको छ। आईपीओमा आवेदन गरेका सबै लगानीकर्ताले माग अनुसारको नै शेयर प्राप्त गरेका छन् भने निष्काशित सबै शेयर बिक्री नहुँदा चार प्रत्याभूतिकर्ताले बाँकी शेयर सकार्नुपर्ने अवस्था आएको छ ।