ग्रामीण विकास लघुवित्तको हकप्रद भर्नुभयो ? बिहीबार अन्तिम दिन

Jun 12, 2019 Merolagani

ग्रामीण विकास लघुवित्त वित्तीय संस्था (GBLBS) को ५० प्रतिशत हकप्रद भर्न छुटाउनु भएको त छैन ? यदि भर्नु भएको छैन भने चाँडो गर्नुहोस् जेठ ३० गते बिहीबार कम्पनीको हकप्रद निष्काशन बन्द हुँदैछ।

ग्रामीण विकास लघुवित्तले बैशाख २७ गते देखि दुई बराबर एक अनुपातमा ३२ लाख ७५ हजार कित्ता हकप्रद शेयर निष्काशनमा ल्याएको छ। हकप्रदमा चैत २८ गतेसम्म कायम शेयरधनीले मात्रै आवेदन दिन पाउनेछन् । 

हकप्रद निष्काशन तथा बिक्री प्रबन्धक एनआईबिएल एस क्यापिटल रहेको छ ।

एनआईबिएल एस क्यापिटल लाजिम्पाट तथा यसका शाखा कार्यालयहरु लालदरबार काठमाडौं, लगानखेल ललितपुर, पोखरा, वीरगञ्ज, बुटवल, विराटनगर तथा ग्रामिण विकास लघुवित्तको शााखा कार्यालयहरु विराटनगर, जनकपुर, बुटवल, नेपालगञ्ज र धनगढी शाखाबाट हकप्रदमा आवेदन दिन सक्नेछन् । यसैगरि मेरो शेयरबाट समेत हकप्रद भर्न सकिनेछ ।

हाल ६५ करोड ५० लाख रुपैयाँ चुक्ता पूँजी रहेको ग्रामीणको ३२ करोड ७५ लाख रुपैयाँ हकप्रद बिक्री पश्चात ९८ करोड २५ लाख रुपैयाँ चुक्ता पूँजी पुग्नेछ ।

ग्रामीण विकास लघुवित्त वित्तीय संस्थाले चालू आर्थिक वर्षको तेस्रो त्रैमासमा १६ करोड ४४ लाख रुपैयाँ खुद नाफा कमाएर प्रतिशेयर आम्दानी ३३ रुपैयाँ ४७ पैसा कायम गरेको छ ।

जेठ २८ गते मंगलबार कम्पनीको शेयरमूल्य दोस्रो बजारमा प्रतिकित्ता ३५५ रुपैयाँ रहेको छ ।


comments powered by Disqus

व्यवसायी निराश हुनुपर्ने अवस्था छैन: अर्थमन्त्री खतिवडा

Sep 22, 2019 09:41 AM

अर्थमन्त्री डा. युवराज खतिवडाले व्यवसायी निराश हुनुपर्ने अवस्था नरहेको बताएका छन्। कास्कीको पोखरा उद्योग वाणिज्य सङ्घको ६५ औँ वार्षिक अधिवेशनमा शनिबार बोल्दै उनले व्यवसायको वातावरण सुधार हुँदै गएकाले निराश हुनुपर्ने अवस्था नरहेको बताएका हुन्।