ऋण लगानी सम्बन्धमा शुक्रबार एनआइबिएल र यसका साझेदार बैंकहरुबीच संयुक्त रुपमा सम्झौतापत्रमा हस्ताक्षर गरेका हुन्।
७८ मेगावाटको सान्जेन खोला जलविद्युत आयोजनामा ‘सिन्डिकेटेड फेसिलिटी’को सम्झौता भएको हो।
रन अफ रिभरमा आधारित आयोजना रसुवा जिल्लाको साञ्जेन खोलामा निर्माण हुने आयोजनामा चाइना हारबोर इन्जिनियरिङ कम्पनीद्घारा प्रवर्धित कम्पनी सालासुङगीपावर लिमिटेडले निर्माण गर्नेछ।
उक्त सान्जेन खोला आयोजनाको डिजाइन डिस्चार्ज ९.१० क्यूमेक प्रति सेकन्ड रहने र नेट हेड करिब १००० मिटर रहने छ । यो आयोजनाको कुल लागत १३ खर्ब २ अर्ब लागने अनुमान छ।
उक्त आयोजनामा ९२ प्रतिशत इक्विटी चाइना हर्बोर इन्जिनियरिङ कम्पनीको र ८ प्रतिशत नेपाली साझेदारहरुको रहने बताइएको छ। चाइना हार्बर कम्पनीले नेपालमा लगानी उपलब्ध गराएको साञ्जेन खोला जलविद्युत आयोजना पहिलो आयोजना हो।
कार्यक्रममा आफ्नो आयोजनाबारे जानकारी दिँदै चाइना हार्बरका मूख्य लेखापाल स्युङ शङ छ्वानले नेपालको रसुवा क्षेत्रमा पर्ने साञ्जेन खोला जलविद्युत आयोजना क्षेत्रमा सडकमार्ग, सञ्चार र विद्युतीय पूर्वाधारको निर्माण गरेबाट सुदूर क्षेत्रका मानिसलाई बाहिरी क्षेत्रसँग जोड्न र स्थानीय आर्थिक विकास र जनजीवन स्तर उकास्न मद्दत पुग्ने बताए।
हाल आयोजना वरिपरिको सडकमार्ग र सञ्चार पूर्वाधारको निर्माण कार्य सुरू गरिसकेको बताइएको छ।
