वीरगञ्ज आर्थिक नगरी भएर पनि धेरै सर्वसाधारण शेयर बजारप्रति अनभिज्ञ

Jun 16, 2019 Merolagani

वीरगञ्ज आर्थिक नगरी भए पनि धेरै सर्वसाधारण शेयर बजारप्रति अनभिज्ञ रहेको र उनीहरुलाई ब्यापक रुपमा सचेत र जागरुक बनाउनुपर्ने आवश्यकता देखिएको छ । 

बीरगंजलाई नेपालको आर्थिक राजधानी समेत बन्ने गरिएको छ तर सर्बसाधारणमा शेयर बजारप्रतिको चेतना कम हुँदा नाम अनुसार शेयर बजारमा बीरगंजले हिस्सेदारी जनाउँन सकेको छैन । 

शेयर बजारप्रति चासो राख्नेहरुले पनि कम्पनीहरुको प्राथमिक शेयरमा बढी लगानी गर्ने गरेको, हकप्रद र बोनस शेयर जारी गर्ने कम्पनीहरुमा झुम्मिने गरेको देखिएको छ । 

पर्साबाट हितग्राही खाता खोल्ने सर्बसाधारणको संख्या २० हजार नाघेको भए पनि दोस्रो बजारमा उनीहरुको सहभागिता अत्यन्त कम छ । 

वीरगञ्जबासीहरुलाई शेयर बजारप्रति जागरुक बनाउने उद्देश्यले जेठ ३२ गते शनिबार शेयर तालिम आयोजना गरियो । 

वीरगञ्ज उद्योग बाणिज्य संघ, माईन्ड्स नेपाल र नासा सेक्युरिटिज, ब्रोकर नं ५८ को संयूक्त आायोजनामा भएको शेयर तालिममा एक सय जना स्थानीयले शेयर बजारमा प्रबेश गर्ने बारेमा गहिरो चासो देखाए ।

तालिममा प्रशिक्षकहरु संतोषराज बजगाई लगायतले शेयर बजारमा लगानी गरी फाईदा लिने बारेमा सहभागीहरुलाई प्रशिक्षित गरेका थिए । तालिममा सरकारी जागिरे, युवा र बिद्यार्थीहरुको बाहुल्यता थियो । 

 

नासा सेक्युरिटिजले वीरगञ्ज आदर्शनगरमा शाखा स्थापना गरी स्थानीयलाई शेयर किनबेच र निक्षेप सदस्यको सुविधा प्रदान गर्दै आएको छ ।

बीरगंजमा प्राईमो सेक्युरिटिज ब्रोकर नं १६ ले पनि  शाखा स्थापना गरी लगानीकर्तालाई किनबेचको सुविधा प्रदान गरिरहेको छ । 


comments powered by Disqus

धितोपत्र बजार पूँंजीकरण ७.३% वृद्धि, करिब ५८ अर्ब रुपैयाँ धितोपत्र नेप्सेमा सूचीकृत

Jul 19, 2019 06:54 PM

धितोपत्र बजार पूँंजीकरण वार्षिक विन्दुगत आधारमा ७.३ प्रतिशतले वृद्धि भएको छ। नेपाल राष्ट्र बैंकको तथ्यांक अनुसार २०७६ जेठ मसान्त सम्ममा धितोपत्र पूँजीकरण १५ खर्ब ७९ अर्ब ३९ करोड कायम भएको हो।