आगामी आर्थिक वर्षको लागि अनुमान गरिएको खर्च व्यहोर्ने बजेटको स्रोत मध्ये आन्तरिक राजस्वबाट २५ करोड १० लाख ४१ हजार संकलन गर्ने योजना छ ।
यस्तै चालु आर्थिक वर्षको खर्च नभई बाँकी रहेको ८ अर्ब ९४ करोड ७४ लाख ८४ हजार रूपैयाँ, संघीय सरकारबाट राजस्व बाँडफाँडबाट प्राप्त हुने ७ अर्ब ४४ करोड ४३ लाख, प्राकृतिक स्रोतको रोयल्टी बाँडफाँडबाट प्राप्त हुन आउने २ करोड ७४ लाख र सशर्त अनुदानबाट ५ अर्ब २७ करोड २७ लाख रूपैयाँ परिचालन गर्ने जनाएको छ ।
यसै गरी समपुरक र विषेश अनुदानबाट १ अर्ब ८१ करोड २२ लाख अनुदान प्राप्त हुने अनुमान छ । त्यसबाट नपुग हुने ७५ करोड आन्तरिक ऋणबाट परिचालन गर्ने जनाइएको छ ।