कुल विनियोजित मध्ये चालु खर्चतर्फ १८ अर्ब २० करोड ४ लाख १२ हजार अर्थात ४३.९ प्रतिशत र पूँजीगत तर्फ २३ अर्ब ५७ करोड ३९ लाख ३४ हजार रूपैयाँ अर्थात ५५.९ प्रतिशत रकम विनियोजन गरिएको आर्थिक मामिला तथा योजना मन्त्री इन्द्र आङ्बोले जानकारी गराए ।
यस्तै वित्तीय व्यवस्था तर्फ ८ करोड रूपैयाँ अर्थात ०.२ प्रतिशत र अन्तर सरकारी हस्तान्तरणका लागि ९९ करोड ९९ लाख ९८ हजार बजेट छुट्याइएको छ ।
आगामी आर्थिक वर्षको लागि अनुमान गरिएको खर्च व्यहोर्ने स्रोत मध्ये आन्तरिक राजश्व ३ अर्ब ८६ करोड, राजश्व बाँडफाँडबाट १० अर्ब ५२ करोड, अनुदानबाट २१ अर्ब २१ करोड व्यहोरिने छ । यस्तै चालु आर्थिक वर्षको नगद मौज्दात ६ अर्ब ६१ करोड रहने पूर्वानुमान छ ।