चीनका पाँच कम्पनीमाथि अमेरिकाको प्रतिबन्ध, दुई देशका बीच तनावको अवस्था बढ्दो

Jun 23, 2019 12:06 PM Merolagani

अमेरिकाले चिनियाँ सुपर कम्प्युटरको क्षेत्रमा काम गरिरहेका पाँचवटा कम्पनीलाई कालोसूचीमा राखिदिएको छ। अमेरिकाले आफ्नो देशको सुरक्षालाई मध्यनजगर गर्दै उक्त निर्णय लिइएको बताएको छ। 

यससँगै प्रतिबन्धित कम्पनीहरूले अमेरिकाको विशेष अनुमति विना अमेरिकी कम्पनीसँग सामग्री खरीद गर्न पाउने छैनन्।

अमेरिकी सैन्य एप्लिकेशनमा सुपरकम्प्युटिङको काम गरिरहेका उक्त कम्पनी मुलुकको राष्ट्रिय सुरक्षाका लागि जोखिम रहेको भन्दै अमेरिकाले पाँच चिनियाँ समूहलाई उक्त सूचीमा समावेश गरेको हो ।

अमेरिकाको उक्त कदमले अमेरिकी राष्ट्रपति डोनाल्ड ट्रम्प र चिनीयँ राष्ट्रपति शी जिनपिंग बीच आगामी हप्ता हुने भनिएको वार्ता प्रभावित हुनसक्ने बताइएको छ ।

अमेरिका–चीन व्यापार युद्ध जारी रहेको अवस्थामा अमेरिकाले चिनियाँ कम्पनीलाई कालोसूचीमा राख्ने क्रम जारी छ।

अमेरिकाको कालोसूचीमा पर्ने चिनियाँ समूहमा सुकोन, वुसी चियाङनान इन्स्टिच्युट अफ कम्प्युटिङ टेक्नोलोजी, हिकोन, छेङतु हाइक्वाङ इन्टिग्रेटेड सर्किट र छेङतु हाइक्वाङ माइक्रोइलेक्ट्रोनिक्स टेक्नोलोजी छन् ।

गत मे महिनामा अमेरिकाले चिनियाँ प्रविधि कम्पनी हुवावेईलाई कालोसूचीमा राख्ने निर्णय गरेको थियो ।

अहिले अमेरिका, चीन, यूरोपेली संघ (ईयू) र जापानले विशेष क्षमताको एक्साफ्लप क्यापेबल सुपरकम्प्युटर निर्माण गरिरहेका छन् ।

- एजेन्सीको सहयोगमा


comments powered by Disqus

प्रदेश ५ को सबै स्थानीय तहमा बैंकिङ्ग पहुँच, २३ स्थानीय तह अझै पहुँच बाहिर

Jul 19, 2019 05:25 PM

चालु आर्थिक वर्ष २०७५/७६ को एघारा महिना सम्ममा प्रदेश पाँचका सबै स्थानीय तहमा वाणिज्य बैंकको पहुँच पुगेको छ। राष्ट्र बैंकको अनुसार सात प्रदेश मध्ये प्रदेश ५ को १०९ वटै स्थानीय तहमा शाखा विस्तार भएको हो।