राजधानीमा आयोजित एक कार्यक्रममा गभर्नर नेपालले मर्जरलाइ बिवाहसँग तुलना गदै र्बैंक तथा वित्तीय संस्थाहरूलाई सहमति (प्रेम) गरेर मर्जर (बिवाह) हुन समय दिँदा नमानेपछि दबाब दिनुको विकल्प नरहेको बताए ।
मर्जरमा जादा बैंकहरूलाई नै फाइदा हुने गभर्नरको भनाई छ। दुई चार वटा बैंक तथा वित्तिय सस्था मर्जर भएर एकै ठाँउबाट कारोबार गर्ने हो भने धेरैतिर चलाएमान हुने पूँजीको कारोबार एकै स्थानबाट हुने, बैंक तथा वित्तीय संस्थामा पूँजी वृद्धि हुँदा तरलताको समस्या हल हुने र अन्य प्राविधिक रूपमा लाग्ने खर्च पनि कटौति हुने हुँदा मर्जरमा जान जरूरी रहेको गभर्नर नेपालको तर्क छ ।
अन्तराष्ट्रिय रूपमा सक्षम व्यक्तिहरू राष्ट्र बैंकको अनुसन्धान टोलीमा रहेकाले राष्ट बैंकले ल्याउने नीतिले दीर्घकालीन रूपमा हीत गर्ने भएकाले कुनै शंका नपाल्न बैकर्सहरूलाई आग्रह गरे।
गभर्नरले केहिदिन भित्रै मौद्रिक नीति आउने हुँदा बैंकहरूलाई मर्जर वा एक्वीजिसनमा जान समय नभएकोले समय मै विचार गर्न आग्रह गरे। उनले समय घर्केपछि गुहार्ने सबै ढोका बन्द हुने भएकोले आफुहरूबीचमा प्रेम गरे रै भएपनि मर्जर प्रक्रियामा सामेल हुन आग्रह गरे ।
