गणपति माइक्रोफाइनान्सको ९ कारोबार दिनमा ६६ प्रतिशतले बढ्यो शेयरमूल्य

Jun 24, 2019 06:34 PM Merolagani

नेपाल स्टक एक्सचेञ्जमा जेठ २३ गतेदेखि पहिलो कारोबार भएको गणपति माइक्रोफाइनान्सको शेयरमूल्य ९ कारोबार दिनमा ६५.८२ प्रतिशतले बढेको छ।

जेठ २३ गते प्रति कित्ता २३७ रुपैयाँमा पहिलो १० कित्ता कारोबार भएकाे माइक्रोफाइनान्सको ९ कारोबार दिनमा १५६ रुपैयाँले बढेर ३९३ रुपैयाँ पुगेको छ।

गणपति माइक्रोफाइनान्सको मूल्य शेयर कारोबार खुलेदेखि नै निरन्तर बढ्दै आइरहेको छ । लघुवित्तको शेयरमूल्यमा पछिल्लो दुई दिन सर्किट लागेको छ। यस अवधिमा दुई पटक असार ८ र ९ गते माइक्रोफाइनान्सको शेयरमूल्यमा पोजेटिभ सर्किट लागेको हो।

यसअघिका अन्य ७ कारोबार दिनमा पनि लघुवित्तको शेयरमूल्य औसतमा ५ प्रतिशतले बढेको छ। सुरुका दिनमा निकै न्यून कारोबार भएको लघुवित्तको आइतबार भने सबैभन्दा धेरै एक लाख ९६ हजार ९०० रुपैयाँको शेयर खरिद बिक्री भएको छ।

माइक्रोफाइनान्सले बैशाख ९ देखि १२ गतेसम्म जारी पूँजीको ३२.३० प्रतिशत अर्थात प्रतिकित्ता १०० रुपैयाँ दरमा कूल ३ लाख ३५ हजार कित्ता आईपिओ निष्काशन गरेको थियो। सो आइपीओ बैशाख २० गते बाँडफाँड भई नेप्सेमा जेठ ३ गते कारोबारका लागि सूचीकृत भई जेठ ५ गते कारोबार खुला भएको थियो। तर लघुवित्तको शेयर १८ दिनपश्चात मात्र १० कित्ता कारोबार भएको थियो।

आईपिओ निष्काशन पश्चात माइक्रोफाइनान्सको चुक्ता पूँजी १० करोड २५ लाख रुपैयाँ पुगेको छ।


comments powered by Disqus

धितोपत्र बजार पूँंजीकरण ७.३% वृद्धि, करिब ५८ अर्ब रुपैयाँ धितोपत्र नेप्सेमा सूचीकृत

Jul 19, 2019 06:54 PM

धितोपत्र बजार पूँंजीकरण वार्षिक विन्दुगत आधारमा ७.३ प्रतिशतले वृद्धि भएको छ। नेपाल राष्ट्र बैंकको तथ्यांक अनुसार २०७६ जेठ मसान्त सम्ममा धितोपत्र पूँजीकरण १५ खर्ब ७९ अर्ब ३९ करोड कायम भएको हो।