बैंकले आफ्ना ग्राहकको चाहना र सन्तुष्टिलाई ध्यानमा राखेर ब्याजदर परिमार्जन गरेको जनाएको छ ।
बैकिङ्ग बजारमा कर्जाको व्याजदर उच्च रहेको जन गुनासो आईरहेको अवस्थामा ग्राहकहरुको चाहना तथा जनगुनासोलाई सम्बोधन हुने गरी ब्याजदर परिवर्तन गरिएको बैंकको भनाई छ ।
बैंक संचालक समितिले यहि असार ५ गतेदेखि लागू हुनेगरी कर्जाको व्याजदर घटाएर निक्षेपको बढाएको बैंकका प्रबक्ता तथा सूचना अधिकारी हिमलाल पौडेलले जानकारी दिए ।
बैंकले निक्षेपमा ६.५० प्रतिशत देखि ९.२५ प्रतिशतसम्म ब्याज दिँदै आएको छ । त्यस्तै कर्जामा न्यूनतम १०.७६ प्रतिशतदेखि अधिकतम १४.५० प्रतिशतसम्म ब्याज लिँदै आएको छ ।
