सञ्चालक समितिका अध्यक्ष बज्र गुरुङ्गको अध्यक्षतामा २०७६ आसार १२ गते बिहीबार काठमाडौंमा सम्पन्न भएको साधारण सभाले आ.व. २०७४/७५ को वितरण गर्न योग्य नाफाबाट चुक्ता पूँजीको ५.५० प्रतिशत अर्थात १३ करोड ९३ लाख ५२ हजार ४१९ रुपैयाँ बराबरको बोनस शेयर प्रदान गर्ने प्रस्ताव अनुमोदन गरेको हो।
यसैगरि सामान्य प्रस्ताव अन्तर्गत देवः विकास बैंक लि.को सञ्चालक समितिको वार्षिक प्रतिवेदन, वाहृय लेखापरीक्षकको प्रतिवेदन सहितको आ.व. २०७४/७५ आषाढ मसान्तसम्मको वासलात तथा सोही मितिसम्मको नाफा नोक्सान हिसाब र नगद प्रवाह विवरण लगायत आर्थिक विवरणहरुसमेत सर्वससम्मतिबाट पारित गरियो ।
साथै, आ.व. २०७५÷७६ लेखापरिक्षण गर्न श्री एल.एस.पि. एशोसियटस् (प्रो. सि.ए. सतिस चन्द्र लाल तथा सि.ए. गोपाल कुमार श्रेष्ठ) लाई वाहृय लेखापरीक्षकमा नियुक्त गर्ने निर्णय गरेको छ।