दुबै संस्थाको असार २० गते शुक्रबार एक दिनको लागि बैंकिङ्ग कारोबार बन्द हुने भएको छ । एकीकृत कारोबार सुरु गर्न डाटा माइग्रेसन गर्नुपर्ने भएकोले सप्तकोशी र काबेली विकास बैंकको शाखाहरुबाट प्रदान गर्दै आईरहेको सम्पुर्ण सुृविधा बन्द हुने जनाइएको छ ।
राष्ट्र बैंकको सञ्चालक समितिको बैठकले सप्तकोशी डेभलपमेन्ट बैंक र कावेली विकास बैंकलाई जेठ २९ अन्तिम स्वीकृति प्रदान गरेको थियो ।
प्रादेशिक स्तरको बैंक बन्ने लक्ष्यसहित संयुक्त कारोबार गर्ने दुई बैंकबीच गत माघ पहिलो साता सहमति भएको थियो । दुई विकास बैंक एक बराबर एक शेयर रेसियो अनुपातमा मर्जरमा गएका हुन् ।
मर्जरपछि बन्ने सप्तकोशी डेभलपमेन्ट बैंक २८ वटा शाखा कार्यालय सहित प्रदेश १ को सबैभन्दा ठूलो विकास बैंक हुनेछ भने चुक्ता पूँजी ८१ करोड पुग्नेछ ।
बैंकको केन्द्रीय कार्यालय धनकुटामा र कर्पोरेट कार्यालय विराटनगरमा रहनेछ।
