लगानीकर्ताले धितोपत्र बोर्डबाट सिआश्वा अनुमति प्राप्त बैंक तथा वित्तीय संस्था र तिनका सम्पूर्ण शाखा कार्यालय तथा मेरोशेयरबाट समेत आवेदन दिन सक्नेछन्। उच्च माग परिसकेकाले उक्त आईपीओमा न्यूनतम १० कित्ताका लागि आवेदन दिनु उपयुक्त हुन्छ।
लघुवित्तको शेयर बिक्री प्रबन्धक प्रभु क्यापिटलका अनुसार सोमबारसम्म २ लाख १४ हजार बढी आवेदनबाट ३७ लाख ५२ हजार कित्ताका लागि आवेदन परिसकेको छ। जुन सर्वसाधारणमा निष्काशन भएको कित्ताको आधारमा ३०.११ गुणा बढी हो। आईपीओ १२ हजार ४५९ जना आवेदकले मात्र गोलाप्रथाबाट १० कित्ता शेयर पाउनेछन्।
कम्पनीले असार २० गते शुक्रबारदेखि जारी पूँजीको ४८ प्रतिशत बराबरको प्राथमिक शेयर निष्काशन गरेको हो।
लघुवित्त कम्पनीले प्रभु क्यापिटलको बिक्री प्रबन्धकत्वमा प्रतिकित्ता एक सय रुपैयाँ अंकित दरमा एक करोड ३२ लाख ६० हजार रुपैयाँ बराबरको एक लाख ३२ हजार ६०० कित्ता शेयर बिक्रीमा ल्याएको हो।
कूल निष्काशित आईपीओमध्ये एक हजार ३८० कित्ता शेयर लघुवित्तका कर्मचारीलाई र ६ हजार ६३० सामुहिक लगानी कोषहरुलाई सुरक्षित गरिएको छ । एक लाख २४ हजार ५९० कित्ता शेयरमा सर्वसाधारणबाट आवेदन माग गरिएको थियो।
घोडाघोडीको अधिकृत पूँजी १० करोड, जारी पूँजी २ करोड १२ लाख ५० हजार र चुक्ता पूँजी एक करोड १० लाख ५० हजार छ। कञ्चनपुरमा केन्द्रीय कार्यालय भई कैलाली र कञ्चनपुर जिल्लाका ६ वटा शाखाबाट कारोबार गर्दै आएको छ ।