कमिशनले लगाएको यो जरिवाना कुनै पनि प्रविधि कम्पनीमाथि लगाइएको अहिलेसम्मकै ठूलो जरीवाना हो । यसअघि सन् २०१२ मा गूगललाई एफटीसीले २ करोड २५ लाख डलर जरीवानाको निर्णय गरेको थियो ।
एफटीसीले मार्च २०१८ मा फेसबुकमा लागेको डाटा लिकको मुद्दामा अनुसन्धान सुरू गरेको थियो । जाँचको क्रममा प्रयोगकर्ताको गोपनीयता र डाटा सुरक्षामा कम्पनीलाई दोषी पाइएको छ ।
फेसबुकमाथि सन् २०१८ मा बेलायती परामर्शदाता कम्पनी क्याम्ब्रिज एनालिटिकालाई करोडौं प्रयोगकर्ताको जानकारी बेचेको आरोप छ । यस विषयमा फेसबुकका संस्थापक मार्क जुकरवर्गले अमेरिकी संसदमा समेत जवाफ दिनुपरेको थियो । त्यसपछि एफटीसीले यस विषयमा जाँच सु? गरेको थियो ।
प्रतिवेदनका अनुसार, फेसबुकले आफूवि?द्ध जाँच सुरू भएपछि कानूनी सम्झौताका लागि ३ देखि ५ अर्ब डलर तिर्नका लागि प्रस्ताव राखेको थियो । एफटीसीले पनि जाँच सकाउन केही शर्तमा उक्त जरिवानाको रकम तय गरेको हो । यो जरीवाना अमेरिकाको न्याय मन्त्रालयले अनुमोदन गर्न भने बाँकी छ ।
यद्यपी जरिवानको यो रकम फेसबुकको सन् २०१८ को कुल आम्दानीको केबल ९ प्रतिशत मात्र हो । एजेन्सी
