बीमा कम्पनीहरु गाभ्ने, गाभिने तथा प्राप्ति गर्ने सम्बन्धि सम्पूर्ण अधिकार सञ्चालक समितिलाई प्रदान गरिएको छ। साथै कम्पनीले आगामी दिनमा उपयुक्त कम्पनीसँग गाम्ने, गाभिने तथा प्राप्ति गर्न सकिने व्यवस्थालाई खुल्ला गरेको हो।
बोनस वितरण पछि इन्स्योरेन्सको चुक्ता पूँजी १ अरब २ करोड ६ लाख पुग्नेछ। इन्स्योरेन्सले गत आर्थिक वर्षमा १ अर्ब ७७ लाख बीमा शुल्क आर्जन गरी गरि १५ करोड ९८ लाख रुपयाँ खुद नाफा कमाएको थियोे। यस्तै चालु आर्थिक वर्षको असार २८ गते सम्ममा करिब १ अर्ब २१ करोड बीमा शुल्क आर्जन गर्न गरेको छ।
साधारण सभामा अध्यक्ष हेमराज ढकालले नेपाली बीमा बजारमा छुटृै पहिचान स्थपित गर्न विगत ४ वर्षमा नयाँ नयाँ बीमालेख लगायत आफनो सेवालाई देशको सात वटै प्रदेशमा विस्तार गरेको जानकारी गराए। उनका अनुसार ४८ वटा शाखा १९ वटा सेवा काउण्टर गरी ६७ स्थानबाट बीमा सुविधा दिईरहेका छन्।