सोमबार लघुवित्तको शेयर बाँडफाँड कार्यक्रममा प्रमुख कार्यकारी अधिकृत केसीले राष्ट्र बैंकको निर्देशन अनुसार उपयुक्त संस्थासंगको सहकार्यमा राष्ट्रियस्तरको बन्ने बताए।
समय र परिस्थिति अनुसार मर्जर तथा एक्वीजिशन के गर्ने भन्ने कुराको निर्णय हुने उनको भनाई छ।
स्याङ्जा भीरकोट १ बयरघारी केन्द्रिय कार्यालय रहेको लघुवित्तले स्याङ्जा, कास्की, पाल्पा, रुपन्देही, कपिलवस्तु, गुल्मी, नवलपरासी, तनहुँ, अर्घाखाँची र लमजुङ्ग गरी १० जिल्लामा १९ शाखा विस्तार गरिसकेको छ।
यस्तै हाल सम्ममा ६७ करोड ७७ लाख रुपैयाँ कर्जा प्रवाह गरी २२ करोड रुपैयाँ बचत संकलन गरेको उनले जानकारी गराए। चालु आर्थिक वर्षको अन्त्य सम्ममा करिब ढेड करोड नाफा आर्जन गर्ने उनको अनुमान छ।
आईपीओ बाँडफाँड पश्चात लघुवित्तको चुक्ता पूँजी १० करोड रुपैयाँ पुगेको छ भने संस्थापक साधारण शेयर अनुपात ६०ः४० कायम भएको छ।
