मंगलबार अर्थ मन्त्रालयमा आयोजित ग्रामीण स्वबलम्बन कोष, साना किसान विकास लघुवित्तलाइ हस्तान्तरण गर्ने कार्यक्रममा मन्त्री खतिवडाले नयाँ ऐन अएपछि ‘घ’ वर्गका लघुवित्तलाई ‘ख’ वर्ग बिकास बैंकमा स्तराेन्नति गर्न सकिने बताएका हुन।
अर्थमन्त्रीले भने,चार पाँच वर्षमा हामी गरिबीको अन्त्य गर्छौ भनिरहेका छौं, गछौं पनि । त्याे बेला गरिबीको परिभाषामा लघुवित्तहरूलाई लगानी गरि राख भन्न पनि सकिँदैन । कि लघुवित्तकाे परिभाषा खुकुलाे गर्दै जानुपर्यो या विकास बैंकको मोडलबाट जानुपर्यो । त्यसैले दीर्घकालीन रुपले हेर्दा राम्रो काम गर्ने, पूँजी पुर्याउने लघुवित्तहरुलाई विकास बैंकमा स्तराेन्नति गर्न सकिन्छ।’
मन्त्री खतिवडाले साना किसान विकास लघुवित्तलाई बैंकहरुसंग प्रतिस्पर्धा नगर्न पनि निर्देशन दिएका छन्। उनले भने ‘बैंकहरुले पत्याई नसेकेका, माइक्रोफइनान्स संस्थाहरुले छोडिसकेका समूहलाई तपाईहरुले समेट्ने हो। यिनीहरु पछि ठूला व्यवसायिक पनि हुन्छन् ।’
साना उद्यमी तथा व्यवसायीहरुलाई कर्जा प्रवाह गर्न साना किसान विकास लघुवित्त सक्षम हुने उनको विश्वास छ।
मन्त्री खतिवडाले युवा स्वरोजगार र गरिबी निवरण कोषलाई पनि एउटै बनाउने योजना भएपनि अहिले सम्भव नभएको बताए। कार्यक्रम तथा योजनाहरु दाेहाेरिने क्रम बढेकाेले यी दुइ संस्थालाई एउटै बनाउन लागिएकाे उनकाे भनाइ थियाे ।
