ब्लूमबर्ग अर्बपतिको सूचीमा विगत सात वर्षको इतिहासमा बिल गेट्सले दुई नम्बरबाट तल झर्नुपरेको थिएन । तर यसअघि दोस्रो नम्बरमा रहेका बिल गेट्स यो बर्ष तेस्रो नम्बरमा झरेका हुन् ।
एलभीएमएचको शेयरमा १.३८ प्रतिशतको वृद्धि भएसँगै अर्नल्ट कुल सम्पत्ति १ खर्ब ७ अर्ब ६० करोड डलरका साथ दोस्रो स्थानमा परेका हुन् । उनको सम्पत्ति बिल गेट्सको भन्दा २०० मिलियन डलर बढी छ ।
अर्बपतिहरूमध्ये अर्नल्टको कुल सम्पत्तिमा यो बर्ष मात्र ३९ अर्बले वृद्धि भएको छ । उनी ब्लूमबर्गको सूचीमा ५ सय जनामध्ये हालसम्मकै सबैभन्दा धेरै व्यक्तिगत कमाई गर्ने सूचीमा अग्रस्थानमा परेका छन् ।
ब्लूमबर्ग अर्बपतिको सूचीमा एक खर्ब २५ अर्ब डलरका साथ जेफ बेजोस पहिलो स्थानमा रहेका छन् भने १ खर्ब ७ अर्ब डलरका साथ बिल गेट्स दोस्रो स्थानमा रहेका छन् ।
अर्नल्ट गत महिना सेन्टीबिलेनियर (१०० अर्ब डलर नेटवर्थ) को सूचीमा शामिल भएका थिए । उनीसँग एलभीएचएम कम्पनीको करिब ५० प्रतिशत शेयर रहेको छ भने फेशन हाउस क्रिश्चियन डायरको पनि ९७ प्रतिशत शेयर रहेको छ । एजेन्सी
