दुबै खातामा औषधोपचार र दुर्घटना बीमा सुविधा उपलब्ध हुने बैंकले जनाएको छ । यो सुविधाको माध्यमबाट बैंकले प्रभु वेलकम र प्रभु स्यालरी सेभिङ्ग खाता योजना अन्तर्गत हाल सञ्चालन भइरहेका र भविष्यमा खोलिने खाताहरुमा निक्षेपकर्ताहरुको औषधोपचार बीमा बापत तीन लाख रुपैयाँ र दुर्घटना बीमा बापत एक करोड सम्मको जोखिम बैंकले वहन गर्ने भएको हो ।
प्रभु बैंकले सञ्चालनमा ल्याएको यस बिमा सुबिधाले यी दुई बचत खाता योजना अन्तर्गत खाता हुने निक्षेप ग्राहकहरुले देशका बिभिन्न अस्पतालहरुमा भर्ना भई उपचार गर्नुपर्ने विभिन्न १५० प्रकारका रोगहरुको उपचार पश्चात बीमा दाबी गर्नसक्ने बताइएको छ ।
यस्तै अकल्पनिय दुर्घटना बाट हुनसक्ने मृत्यु बापतको राहत परिवारले बीमा दाबी गरी लाभान्वित हुने विश्वास बैंकले लिएको छ।
