उनले भने- ‘राष्ट्र बैंकको निर्देशन अनुसार मर्जरको प्रकृयालाई तीव्रताका साथ अगाडि बढाईरहेका छौं। ८/१० वटा बैंकहरुसंग द्धिपक्षिय छलफल जारी छ। चाँडै नै हामी मर्जरको विषयलाई टुंगोमा पुर्याउछौ।’
उनले शेयर बजारमा चलखेल हुने भन्दै कुन बैंकसंग मर्जरका विषयमा छलफल भइरहेको छ भन्ने कुरा भने खोल्न चाहेनन् ।
नेपालको अर्थतन्त्र सानो रहेको, सानो कुराले पनि शेयर बजार र शेयर मूल्य प्रभावित हुने गरेको भन्दै तामाङले आफुले त्यही संबेदनशिलता ख्याल गरेर कुराकानी भईरहेका बैंकहरुको नाम बताउँन नचाहेको उल्लेख गरे।
‘क’ वर्गका बैंहरुसंग कुरा भैरहेको जानकारी गराउदै उनले आफुहरु भन्दा मजबुत र राम्रो बैंकसंग मर्जरमा जाने स्पष्ट पारे ।
आफुहरु पनि राम्रो भएकै कारण आईएसओ मान्यता पाएको उनको भनाई छ। आईएसओ मान्यता प्राप्त गरेपछि कम्पनी थप मजबुद भएकोले मर्जरमा जाँदा "भ्यालु एड" हुने उनको भनाई छ।
बैंकले बिहीबार आईएसओ सर्टिफिकेशनको आधिकारीक संस्था युआरएस युनाइटेड रजिष्ट्रार अफ सिस्टमबाट आइओएस ९००१ः२०१५ को प्रमाणपत्र प्राप्त गरेको छ ।
