कम्पनीले हकप्रदमा नबिकेका संस्थापक शेयरहरू पहिलो पटक बोलकबोल मार्फत बिक्री गर्न खोज्दा बिक्री नभएपछि पुनःदोस्रो पटक सर्वसाधारणले समेत आवेदन गर्न पाउने गरि बोलकबोल खुला गरेको हो ।
कम्पनीले गत चैत २८ देखि जेठ २८ गतेसम्म २ बराबर १ शेयरको अनुपातमा २९ लाख ७० हजार कित्ता हकप्रद शेयर निष्काशन गरेको थियो ।
गुराँस लाइफइन्स्योरेन्सले चुक्ता पूँजी बढाउन जारी गरेको ५० प्रतिशत हकप्रद शेयर संस्थापकहरूले नै खरीद नगरेपछि लिलामीमा निकाल्नु परेको छ । अरू बीमाकम्पनीहरूको संस्थापकहरूले आवेदन गर्ने तर सर्वसाधारणतर्फकाले आवेदन गर्न छुटाउने प्रवृत्ति रहेकोमा गुराँस लाईफमा भने विपरित देखिएको छ ।
कम्पनीको शेयरमा बोलकबोल आवेदन दिँदा न्यूनतम एक हजार कित्तादेखि अधिकतम सम्पूर्ण कित्ताको लागि आवेदन दिन सकिने छ । लिलामी शेयरमा लगानीकर्ताले बिक्री प्रबन्धक लक्ष्मी क्यापिटल मार्फत साउन १० गतेसम्म आवेदन गर्न सक्नेछन ।
कम्पनीको बोनस शेयर र हकप्रद शेयर लिलामी बिक्रीपछि चुक्ता पूँजी ९३ करोड ८५ लाख रूपैयाँ पुग्नेछ। बीमा समितिले तोकेको चुक्ता पूँजी पुर्याउन कम्पनीलाई अझै एक अर्ब ६ करोड रूपैयाँ जोहो गनुपर्ने आवश्यकता छ ।
