सिभिल बैंकले आव २०७३/०७४ को कमाइबाट लगानीकर्तालाई चुक्ता पूँजीको १०.२५ प्रतिशत बराबरको ७४ लाख ४० हजार ७९३ कित्ता बोनस वितरण गरेको थियो। बैंकले सोही शेयर साउन ८ गते बुधबार नेप्समा दोस्रो बजारमा कारोबार गर्न मिल्ने गरी सूचीकृत गरेको हो।
बैंकको उक्त बोनस शेयर साधारण सभाका लागि बुकक्लोज गरिएको मिति २०७६ बैशाख १० गतेभन्दा अघिल्लो दिन नेप्सेमा कारोबार भई कायम रहेका शेयरधनीले मात्रै पाउनेछन्।
त्यसैगरी किसान माइक्रोफाइनान्सले गत वर्षको कमाईबाट शेयरधनीलाई वितरण गरेको चुक्ता पूँजीको २९ प्रतिशतले हुन आउने १ लाख ३९ हजार ३४५ कित्ता बोनस शेयर धितोपत्रबजारमा कारोबारको लागि सूचीकृत भएको हो।
किसान माइक्रोफाइनान्स, मिर्मिरे माइक्रोफाइनान्स र नागबेली लघुवित्त एक आपसमा मर्जरमा रहेकाले तीनवटै कम्पनीको शेयर कारोबार रोक्का रहेको छ । त्यसैले कम्पनीको शेयर नेप्सेमा सूचीकरण भएपनि कारोबार गर्न भने सकिँदैन।
लघुवित्तको उक्त बोनस शेयर साधारण सभाका लागि बुकक्लोज गरिएको मिति २०७५ पुस २९ गतेभन्दा अघिल्लो दिन नेप्सेमा कारोबार भई कायम रहेका शेयरधनीले मात्रै पाउनेछन्।