किष्ट र प्रभु बैंकका खराब कर्जाहरु अझै ७० करोड जति असुल गर्न बाँकी भएको अबस्थामा निस्क्रिय कर्जा अनुपातमा ठूलो सुधार गर्न सक्नु, नियमित आम्दानी बढाएर लैजानु र निक्षेप संकलन एक खर्ब १२ अर्ब पुर्याउनु तर आधार ब्याज दर घटाएर सस्तो ब्याज दरमा कर्जा प्रबाह गर्नसक्ने क्षमता बनाउँनु प्रभुका आशलाग्दा पक्षहरु हुन् ।
प्रभु बैंकले मारेको फड्कोलाई यसरी हेरौंः
पूँजी बढेको अबस्थामा पनि प्रति शेयर आम्दानी बढ्नु र मूल्य आम्दानी अनुपात तल रहनु अर्को सकारात्मक पक्ष हो ।
पूँजी कोष अनुपात खुम्चिएको अबस्था रहेकाले उसले यसमा सुधार नगरी अब कारोबार बिस्तार गर्न संभव नहुने देखिएको छ । एक अर्ब ७३ करोड वितरणयोग्य नाफाबाट लगानीकर्ताले बोनस शेयर पाउँने आशा गर्नु स्वभाविक छ ।
किष्ट र ग्राण्डका कारण प्रभु बैंकको निस्क्रिय कर्जाको अनुुपात १८ प्रतिशत भन्दा बढी पुगेको थियो ।कतिपय आलोचकले खराब कम्पनीलाई सुधार्ने प्रयास गरेकै कारण प्रभु समूह उठ्नै नसक्ने गरी थला पर्ने आँकलन गरेका थिए, तर प्रभु समूहको लगातारको मेहनतले त्यस्ता आशंकाहरु गलत सावित भए र अहिले प्रभु बैंक उदाहरणीय संस्थाको रुपमा खडा भएको छ ।
स्पष्टिकरणः लेखकसँग प्रभु बैंकको एक कित्ता पनि शेयर छैन।