लघुवित्तले अघिल्लो वर्षको तुलनामा खुद नाफा २७९.५७ प्रतिशतले बढाएर १ करोड ४६ लाख रुपैयाँ कमाएको छ। अघिल्लो आर्थिक वर्षको सोहि अवधिमा कम्पनीले ३८ लाख ४९ हजार रुपैयाँ मात्र खुद नाफा कमाएको थियो।
लघुवित्तले आफ्नो ब्यवसाय विस्तार बढाउँदा उसको खुद ब्याज आम्दानीमा पनि आकर्षक सुधार गरेको छ। अघिल्लो वर्ष २ करोड ६३ लाख रुपैयाँ खुद ब्याज आम्दानी गरेको कम्पनीले गत
वर्ष ४ करोड ८८ लाख रुपैयाँ खुद ब्याज आम्दानी गरेको छ जुन ८५.५५ प्रतिशतले बढी हो।
समीक्षा अवधिमा लघुवित्तले १९ करोड ६२ लाख रुपैयाँ निक्षेप संकलन गरी ३१ करोड ९७ लाख सापटी मार्फत ६६ करोड १० लाख रुपैयाँ ऋण प्रवाह गरेको छ। अघिल्लो वर्ष कम्पनीले १२ करोड २८ लाख रुपैयाँ निक्षेप संकलन गरी ४१ करोड ८४ लाख रुपैयाँ ऋण प्रवाह गरेको थियो।
लघुवित्तले आईपीओ बिक्री गरेर चुक्ता पुँजी ९ करोड ८ लाख रुपैयाँबाट बढाएर १४ करोड ४३ लाख रुपैयाँ पुर्याएको छ भने जगेडा कोष ४३ लाख २० हजार रुपैयाँबाट १ करोड ८९ लाख रुपैयाँ पुर्याएको छ।
लघुवित्तले गत वैशाख २७ गतेदेखि ३१ गतेसम्म सर्बसाधारणमा ४ लाख ३२ हजार शेयर बिक्री गरेको थियो जुन कलिकासंगको मर्जर सम्पन्न भएपछि मात्र नेप्सेमा सूचीकरण भई कारोबार हुने भएको छ।