असार मसान्तसम्म लघुवित्तले ३१ करोड ४ लाख १२ हजार रुपैयाँ खुद मुनाफा आर्जन गरेको छ । अघिल्लो आर्थिक वर्षको असारमा कम्पनीको नाफा २६ करोड ९७ लाख रुपैयाँ थियो।
नेकपा एमालेका तर्फबाट सुनसरी ३ मा सांसद उम्मेदवार लडेकी भगवती चौधरी अध्यक्ष रहेको यस लघुवित्तको सकारात्मक पक्ष लघुवित्तको पूँजीभन्दा जगेडा कोषको आकार २.३३ गुणा धेरै हुनु हो।
चुक्ता पूँजी ३७ करोड ७६ लाख ७२ हजार रुपैयाँ रहेको फरवार्डको रिजर्भ कोषमा ८८ करोड जम्मा भएको छ । जसबाट लघुवित्तले शेयरधनीलाई आकर्षक लाभांश वितरण गर्नसक्छ । गत आवबाट पनि कम्पनीले २० प्रतिशत बोनस सहित ४५ प्रतिशत लाभांश वितरण गरेको थियो।
निक्षेप, कर्जा तथा सपाटी तीववटै करिब ३० प्रतिशतको हाराहारीमा बढोत्तरी गरेको यस लघुवित्तको खुद ब्याज आम्दानी तथा सञ्चालन नाफा पनि १५ प्रतिशत धेरैले बढेको छ । असार मसान्तसम्म ४ अर्ब ६२ करोड निक्षेप, ५ अर्ब सापटीबाट कम्पनीले १० अर्ब ६ करोड कर्जा लगानी गरेको छ । जसबाट ७५ करोड ब्याज आम्दानी कमाएको छ ।
फरवार्डको प्रतिशेयर निष्कृय कर्जा अनुपात ०.४७ प्रतिशत, नेटवर्थ ३३३ रुपैयाँ ३ पैसा तथा मूल्य आम्दानी अनुपात १८.६२ गुणा छ। यस्तै कोषको लागत केही सुधार आएर ९.४७ प्रतिशतमा छ ।
लघुवित्तमा फरवार्ड नामक महिला संगठनको २५, एभरेष्ट बैंकको २५, आरएमडीसीको ७ र अन्य सर्बसाधारणको १२ गरी ७० प्रतिशत संस्थापक हिस्सेदारी रहेको छ ।