अघिल्लो आवको मुनाफाबाट ८ प्रतिशत नगद लाभांश बाँडेको फाइनान्सको चुक्ता पूँजी ८८ करोड २१ लाख रुपैयाँमा स्थिर रहँदा प्रतिशेयर आम्दानी ४ रुपैयाँ ६ पैसाले बढेर १५ रुपैयाँ ७६ पैसा पुगेको छ।
फाइनान्सको फाइनान्सको जगेडा कोषमा ६५ प्रतिशतले सुधार भई ३५ करोड १४ लाख रुपैयाँ सञ्चित छ।
गत असारसम्म फाइनान्सले १० अर्ब ९३ करोड २८ लाख निक्षेप संकलन गरेर ८ अर्ब ७१ करोड ३४ लाख कर्जा लगानी गरेको छ। अघिल्लो आवको तुलनामा फाइनान्सको निक्षेप २३ र कर्जा २४ प्रतिशतले बढेको हो।
गत आवमा फाइनान्सले ३५ करोड ४६ लाख खुद ब्याज आम्दानी गरेको छ। अघिल्लो आवमा फाइनान्सको खुद ब्याज आम्दानी २७ करोड २३ लाख रहेको थियो। कर्जा र निक्षेपमा गरिएको व्यवसाय विस्तारले फाइनान्सको आम्दानी सञ्चालन नाफा ६६.२८ प्रतिशतले वृद्धि भई १९ करोड ५९ लाख आर्जन भएको छ।
व्यवसायको आकार बढाउँदा पनि खराब कर्जा अनुपात नियन्त्रण गरेर वित्तीय विवरण सार्वजनिक गरेका फाइनान्सहरुमध्ये थोरै ०.०८ प्रतिशतमा राख्न सक्नु व्यवस्थापकीय सफलता मान्नुपर्छ। फाइनान्सको प्रतिशेयर नेटवर्थ १३९ रुपैयाँ ८४ पैसा र मूलय आम्दानी अनुपात १०.६६ गुणा छ।