गुराँस लाइफ इन्स्योरेन्सले चुक्ता पूँजी बढाउने प्रकृया थाल्यो

Aug 05, 2019 07:00 PM Merolagani

गुराँस लाइफ इन्स्योरेन्स (GLICL)  ले चुक्ता पूँजी बढाउने प्रकृया थालेको छ । इन्स्योरेन्सले चुक्ता पूँजी वृद्धि गर्न शत प्रतिशत हकप्रद निष्काशनको तयारी थालेको हो ।

इन्स्योरेन्सले हाल कामय ९३ करोड ८५ लाख रुपैयाँ चुक्ता पूँजीको शत प्रतिशत हकप्रद जारी गर्ने तयारी गरेको छ । हकप्रद निष्काशन पछि  इन्स्योरेन्सको चुक्ता पूँजी एक अर्ब ८७ करोड रुपैयाँ पुग्नेछ ।  

हकप्रद जारी गर्ने इन्स्योरेन्स कम्पनीले एनएमबि क्यापिटललाई बिक्री प्रबन्धकमा नियुक्ता गरेको छ । साउन २० गते सोमबार इन्स्योरेन्स र एनएमबि क्यापिटलबीच हकप्रद शेयर निष्काशन सम्बन्धि सम्झौता भएको हो ।
बीमा समितिको निर्देशन अनुसार कम्पनीको नवौं साधारण सभाबाट शतप्रतिशत अर्थात एक को अनुपात एकको दरमा हकप्रद शेयर निष्काशन गर्नको लागि एनएमबि क्यापिटल लिमिटेडलाई विक्री प्रबन्धक नियुक्त गरिएको हो ।
सम्झौतामा इन्स्योरेन्स कम्पनीको तर्फबाट प्रमुख कार्यकारी अधिकृत नारायण कुमार भट्टराई र क्यापिटलको तर्फबाट प्रमुख कार्यकारी अधिकृत जेश घिमिरेले हस्ताक्षर गरेका हुन् ।
समितिको निर्देशन बमोजिम चुक्ता पुँजी २ अर्ब पुर्याउँदै आगामी दिनमा नेपालको बीमा क्षेत्रमा आफ्नो विशिष्ट पहिचान बनाउँदै न्युन बीमाशुल्क दरमा नयाँ नयाँ बीमा योजना मार्फत सुलभ, सरल एवं आधुनिक सेवा प्रदान गर्ने इन्स्योरेन्सले प्रतिबद्धता जनाएको छ ।


comments powered by Disqus

लक्ष्मी बैंकले खुद मुनाफा साढे ३२ प्रतिशतले बढ्यो

Nov 12, 2019 09:31 AM

लक्ष्मी बैंक (LBL) ले चालु आर्थिक वर्षको प्रथम त्रैमास अर्थात असोज मसान्तसम्मको तीन महिना अवधिमा ४० करोड १९ लाख ४६ हजार रुपैयाँ खुद नाफा आर्जन गरेको छ। बैंकले आर्जन गरेको यो मुनाफा गत आवको यसै अवधिको तुलनामा ३२।६५ प्रतिशत अर्थात ९ करोड ८९ लाख रुपैयाँले धेरै हो।