मंगलबारबाट कारोबार खुलेको दुबै कम्पनीको शेयरमा ठूलो बिक्रीको चाप पर्दा मूल्यमा नेगेटिभि सर्किट लागेको हो।
रसुवागढीको शेयरमूल्य २३ रुपैयाँले घटेर २६३ रुपैयाँमा झरिसकेको छ भने साञ्जेन जलविद्युतको शेयरमुल्य २८ रुपैयाँले घटेर २६० रुपैयाँमा झरेको छ।
रसुवागढी हाइड्रोपावरको शेयर नेप्सेमा २८६ रुपैयाँमा पहिलो कारोबार खुलेको थियो। कारोबार खुलेको १५ मिनेट अवधिमा रसुवागढीको ५ हजार ६० कित्ता शेयर १४ लाख २८ हजार रुपैयाँमा खरिद बिक्री भएको छ ।
त्यसैगरी साञ्जेन जलविद्युत कम्पनीको नेप्सेमा पहिलो कारोबार २८८ रुपैयाँमा खुलेको थियो। कारोबार खुलेको १५ मिनेट अवधिमा नै कम्पनीको १० हजार कित्ता शेयर २७ लाख ७४ हजार रुपैयाँमा कारोबार भएको छ ।
नेपाल स्टक एक्सचेञ्जले साञ्जेनको पहिलो शेयर कारोबारको लागि न्यूनतम ९६ रुपैयाँ ३२ पैसा देखि २८८ रुपैयाँ ९६ पैसासम्मको प्रिओपनिङ्ग प्राइस रेञ्ज दिएको थियो भने रसुवागढी को पहिलो कारोबारको लागि न्यूनतम ९७ रुपैयाँ २९ पैसादेखि अधिकतम २९१ रुपैयाँ ८७ पैसासम्मको प्रिओपनिङ प्राइस रेञ्ज निर्धारण गरेको थियो।