लगानीकर्ताले शेयर खरिदको लागि कुनै खरिद अडर नराख्दा दुबै कम्पनीको शेयर बिक्रीको लागि धेरै लगानीकर्ता लाइनमा बसेका छन्। साञ्जेनको ३५ हजार कित्ता शेयर बिक्रीको लागि राखिएको छ भने रसुवागढी हाइड्रोपावरको पनि ८४ हजार कित्ता शेयर बिक्रीको लागि राखिएको छ।
साञ्जेनमा १ हजार १२२ वटा र रसुवागढीमा १ हजार १५१ जनाले न्यूनतम मूल्यमा शेयर बिक्री अर्डर राखेका छन्। तर दुबैमा कुनैपनि खरिदकर्ताको अर्डर देखिन्न।
दुबै कम्पनीको शेयरमा बिक्रीको चाप उच्च हुँदा मुल्यमा पनि उच्च गिरावट आएको छ। दुबै कम्पनीको शेयर मूल्य झण्डै १० प्रतिशतले घटेर नेगेटिभ सर्किट लागेको हो । कारोबार खुलेको ३० मिनेट समयमा नै साञ्जेन जलविद्युतको शेयरमूल्य घटेर २३५ रुपैयाँमा झरेको छ भने रसुवागढीको २३७ रुपैयाँमा झरेको छ।
कारोबार खुलेको ३० मिनेटमा साञ्जेन जलविद्युतको ९७ वटा कारोबारबाट १ हजार ५६० कित्ता शेयर ३ लाख ६९ हजार रुपैयाँमा खरिद बिक्री भएको छ भने रसुवागढी हाइड्रोपावरको ३९ वटा कारोबारबाट १ हजार १८० कित्ता शेयर २ लाख ८० हजार रुपैयाँ बराबरमा कारोबार भएको छ ।