फाइनान्सले गत आर्थिक वर्ष २०७५/७६ मा १५ करोड ५८ लाख रुपैयाँ खुद नाफा आर्जन गरेको छ। यो गत वर्षको तुलनामा २ करोड ४२ लाख रुपैयाँले धेरै हो । अघिल्लो वर्षको यसै अवधिमा फाइनान्सले १३ करोड १५ लाख रुपैयाँ खुद नाफा आर्जन गरेको थियो ।
फाइनान्सको खुद ब्याज आम्दानीमा भने संकुचन भएको छ। यद्यपि फाइनन्सको अन्य सञ्चालन आम्दानीमा वृद्धि हुदा नाफा बढेको हो । यस अवधिमा फाइनान्सले २२ करोड ६९ लाख रुपैयाँ अन्य सञ्चालन आम्दानी गरेको छ ।
समीक्षा अवधिमा फाइनान्सले १५ करोड ८६ लाख रुपैयाँ खुद ब्याज आम्दानी गरेको छ । यो गतबर्षको तुलनामा १० करोड १६ लाख रुपैयाँले कम हो । गत वर्ष फाइनान्सले २६ करोड २ लाख रुपैयाँ खुद ब्याज आम्दानी गरेको थियो । फाइनन्सले ब्याज खर्चमा उल्लेख्य रुपमा वृद्धि हुँदा ब्याज आम्दानी संकुचित भएको हो ।
७१ करोड ९८ लाख रुपैयाँ कुल व्याज आम्दानी गरेको फाइनान्सले ५६ करोड १२ लाख रुपैयाँ व्याज बापत खर्च गरेको छ।
चुक्ता पूँजी ४६ करोड ८ लाख रुपैयाँ रहेको फाइनान्सको जगेडा कोषमा २७ करोड ९ लाख रुपैयाँ संचित छ ।
गत आर्थिक वर्षको असार मसान्तसम्ममा ७ अर्ब १५ करोड २६ लाख रुपैयाँ निक्षेप संकलन गरको फाइनान्सले ४ अर्ब ७९ करोड ४७ लाख रुपैयाँ ऋण लगानी गरेको छ ।
फाइनान्समा निष्कृय कर्जा अनुपात सुधार भएको छ। अघिल्लो वर्ष १.२५ प्रतिशत रहेको खराब कर्जा अनुपातमा सुधार भएर ०.३४ प्रतिशतमा झरेको छ । फाइनान्सको प्रतिशेयर आम्दानी ३४ रुपैयाँ १४ पैसा कायम छ ।
