मञ्जुश्री फाइनान्स (MFIL) ले गत आवमा १० करोड ८४ लाख ५० हजार रुपैयाँ खुद मुनाफा आर्जन गरेको छ। अघिल्लो आवमा फाइनान्सको नाफा ९ करोड ७० करोड ९ लाख रहेको थियो।
असार मसान्तसम्म फाइनान्सले ७ अर्ब ३० करोड ७० निक्षेप संकलन गरि ६ अर्ब ५५ करोड ६ लाख रुपैयाँ कर्जा लगानी गरेको छ । यसबाट फाइनान्सले ३१ करोड १५ लाख ब्याज आम्दानी र १६ करोड ५४ लाख सञ्चालन मुनाफा गरेको छ ।
चुक्ता पूँजी ८० करोड ४० लाख ६० हजार रुपैयाँ रहेको फाइनान्सको वार्षिक प्रतिशेयर आम्दानी १६ रुपैयाँ ५६ पैसा रहेको छ । यस्तै फाइनान्सको जगेडा कोषमा २१ करोड ४५ लाख सञ्चित छ भने खराब कर्जा अनुपात २.१९ प्रतिशत रहेको छ ।
उता गत आवमा गुहेश्वरी मर्चेन्ट (GMFIL) ले ७ करोड ९५ लाख ९१ हजार रुपैयाँ खुद मुनाफा आर्जन गरेको छ । अघिल्लो आवमा फाइनान्सको नाफा ६ करोड ७ लाख ६५ हजार रहेको थियो।
असार मसान्तसम्म फाइनान्सले ३ अर्ब ६१ करोड ९९ लाख निक्षेप संकलन गरि ३ अर्ब १५ करोड रुपैयाँ कर्जा लगानी गरेको छ । यसबाट फाइनान्सले १६ करोड ६६ लाख ब्याज आम्दानी र १० करोड २७ लाख सञ्चालन मुनाफा गरेको छ ।
चुक्ता पूँजी ८० करोड रहेको फाइनान्सको वार्षिक प्रतिशेयर आम्दानी ९ रुपैयाँ ९५ पैसा रहेको छ । यस्तै फाइनान्सको जगेडा कोषमा २० करोड ५१ लाख सञ्चित छ भने खराब कर्जा अनुपात ०.३६ प्रतिशत मात्र रहेको छ ।