यस्तो प्रश्न आईपीओ भन्दै आँखा नहेरी दगुर्नेहरुलाई रीस उठ्दो लाग्नसक्छ तर हिमालयन पावर पार्टनर(HPPL)ले उदाहरण नै प्रस्तुत गरेको छ ।
लमजुङ्गको दोर्दी खोलामा २७ मेगावाटको आयोजना बनाउँदा बनाउँदै आईपीओ बिक्री गरेको हिमालयन पावर पार्टनरले अहिलेसम्म आयोजना निर्माण पुरा गर्न सकेको छैन । यो बर्षको अन्तिमसम्ममा विजुली निकाले पनि उसले लाभांश बाँड्न अरु तीन वर्ष पर्खिनुपर्ने हुनसक्छ किनभने आयोजना निर्माणको कमजोर धरातलीय अवस्थाले खर्च बेस्सरी बढेको छ ।
प्रतिष्ठित ब्यवसायिक घराना र गैरआवासीय नेपालीहरुको लगानी रहेको भन्दैमा यस हाईड्रोेले तत्काल लगानीकर्तालाई राहत दिनसक्ने आधार छैन ।
कम्पनीले प्रकाशित गरेको गत वर्षको चौथो त्रैमासको वित्तीय विवरणमा आयोजना निर्माणकै चरणमा रहि खर्च मात्रै भएकाले प्रतिशेयर आम्दानी गणना गर्न नसकिएको स्पष्ट पारिएको छ ।
एक अर्ब ६ करोड चुुक्ता पूँजी रहेको कम्पनीको शेयर दोस्रो बजारमा अहिले १६२ रुपैयाँ हाराहारीमा किनबेच भईरहेको छ ।