फाइनान्सले आफ्नो सेवा राज्यभर विस्तार गर्दै लाने क्रममा भदौ ०६ गते शुक्रबारदेखि सो स्थानमा सेवा थप गरेको हो।
फाइनान्सको ग्वार्को शाखाको उद्घाटन फाइनान्सका अध्यक्ष रामबाबु पन्त तथा जोरपाटी एक्स्टेन्सन काउण्टरको उद्घाटन स्तुपा स्वास्थ्य सेवा सहकारी संस्थाका अध्यक्ष डा. गणेश योञ्जन तामाङ र आइ.सि.एफ. फाइनान्सका अध्यक्ष रामबाबु पन्त तथा गोकर्णेश्वर नगरपालिकाका मेयर संतोष चालीसले संयुक्त रुपमा गरेका हुन्।
आइ.सि.एफ.सि.फाइनान्सले मोबाइल बैंकिङ्ग, इन्टरनेन्ट बैंकिङ्ग, लकर सेवा, ३६५ दिन बैंकिङ्ग सेवा, एटीएम कार्ड, आस्वा सेवा, डिम्याट सेवा, रेमिटेन्स सेवा, विभिन्न प्रकारका कर्जा सुविधा तथा अन्य सम्पूर्ण अत्याधुनिक बैंकिङ्ग सुविधाको साथमा विगत १५ वर्ष देखि आफ्नो ग्राहकहरुलाई बैंकिङ्ग सुविधा प्रदान गरिरहेको छ।
आ.व. २०७६/०७७ को असार मसान्तसम्ममा १४ करोड ०२ लाख खुद मुनाफा आर्जन गरेको यस फाइनान्सले हालसम्म १८ वटा शाखा कार्यालय, एक एक्स्टेन्सन काउण्टर र १५ वटा ए.टि.एम. मार्फत आफ्ना ग्राहकलाई सेवा दिईरहेको छ।
चुक्ता पूँजी ८८ करोड २१ लाख रुपैयाँ रहेको यस फाइनान्सले हालसम्म ७३ हजार भन्दा बढी ग्राहकलाई सेवा दिनुका साथै १० अर्ब ८० करोड निक्षेप संकलन र ८ अर्ब ६१ करोड रुपैयाँ कर्जा प्रवाह गरिसकेको छ।