ऋणपत्रको बिक्री प्रबन्धकमा एनएमबि क्यापिटल रहेको छ। इच्छुक लगानीकर्ताले धितोपत्र बोर्डबाट आश्वा अनुमति प्राप्त बैंक तथा वित्तीय संस्थाका शाखा कार्यालय र मेरो शेयर सफ्टवेयर मार्फत ऋणपत्रमा आवेदन गर्न सक्नेछन्।
ऋणपत्रमा न्यूनतम २५ कित्तादेखि अधिकतम १० लाख कित्तासम्मका लागि आवेदन गर्न पाउने व्यवस्था छ ।
बैकले भदौ ५ गते देखि छिटोमा ९ गते निष्काशन बन्द हुने गरि एक हजार रुपैयाँ अंकित दरमा दुई अर्ब ५० करोड रुपैयाँ बराबरको २५ लाख इकाई ऋणपत्र बिक्रीमा ल्याएकोमा बढाएर भदौ १९ गतेसम्म कायम गरेको हो।
बैंकले बिक्रीमा ल्याएको कूल २५ लाख इकाईमध्ये १० लाख इकाई सर्वसाधारणका लागि खुला गरिएको छ भने १५ लाख इकाई व्यक्तिगत तवरबाटै बैंकले संस्थाहरुलाई बिक्री गर्नेछ। सात वर्ष अवधिको ऋणपत्रमा वार्षिक १०.२५ प्रतिशत ब्याजदर अर्धवार्षिक रुपमा भुक्तानी हुनेछ।
बैंकको ऋणपत्रलाई क्रेडिट रेटिङ्ग एजेन्सी इक्रा नेपालले न्यून कर्जा जोखिम जनाउने 'इक्रा एनपि एलए माइनस' रेटिङ्ग प्रदान गरेको छ।
राष्ट्र बैंकले तरलता अभाव हटाउन तथा दीर्घकालीन स्रोत परिचालनका लागि वाणिज्य बैंकहरुलाई मौद्रिक नीति मार्फत चुक्ता पूँजीको २५ प्रतिशत ऋणपत्र अनिर्वाय जारी गर्नुपर्ने व्यवस्था गरेको छ।