लघुवित्तले १ः१ अनुपातमा चुक्ता पूँजी ११ करोड ४ लाख ५७ हजार ५०० रुपैयाँ बराबरको ११ लाख ४ हजार ५७५ कित्ता हकप्रद शेयर बिक्रीमा ल्याएको हो।
लघुवित्तले हकप्रद प्रयोजनको लागि साउन १ गते शेयर दाखिला खारेजी गरेको थियो। त्यसअनुसार असार ३१ गतेसम्म कायम शेयरधनीहरुले मात्रै लघुवित्तको हकप्रद भर्न पाउनेछन्।
सि आश्वाको सदस्यता लिएका बैंक तथा वित्तीय संस्थाहरुबाट आश्वा प्रणाली मार्फत र मेरो शेयर प्रयोगकर्ताहरुले अनलाईनबाट पनि हकप्रद भर्न सकिनेछ।
यस्तै ग्लोबल आइएमई क्यापिटल जमल काठमाडौं, ग्लोबल आइएमई लघुवित्तको कार्यालय बेसीशहर, शाखा कार्यालयहरु, रङ्गेली मोरङ, पाखरीया पर्सा, कालिका चितवन, विदुर नुवाकोट, पोखरा कास्की, बैजनाथ बाँके, पञ्चपुरी सुर्खेत, गौरीगंगा कैलाली र लक्ष्मी क्यापिटल नयाँ बानेश्वरबाट हकप्रद आवेदन बुझाउन सकिनेछ।
ग्लोबल आइएमई क्यापिटलको कार्यालय राष्ट्रिय नाचघर जमल काठमाडौंमा भने चेकबाट मात्र दरखास्त दिन सकिने ब्यवस्था गरिएको छ। कम्पनीको शेयर निष्काशन तथा बिक्री प्रबन्धकको काम लक्ष्मी क्यापिटल मार्केट रहेको छ।
शतप्रतिशत हकप्रद बिक्री पश्चात संस्थाको चुक्ता पूँजी २२ करोड ९ लाख १५ हजार रुपैयाँ कायम हुनेछ। भदौ २२ गते आइतबार धितोपत्रको दोस्रो बजारमा लघुवित्तको शेयर प्रतिकित्ता ७४० रुपैयाँमा कारोबार भएको छ ।
