बैंकले लाभांश पारित गर्न असोज ११ गते बिहान ११ः३० बजे नक्साल व्याक्वेट, नक्सालमा बोलाएको १९ औं वार्षिक साधारण सभा डाकेको छ ।
लाभांश वितरण र साधारण सभा प्रयोजनका लागि बैंकले भदौ २९ गतेदेखि असोज ११ गतेसम्म बुकक्लोज गर्ने जनाएको छ। यसअनुसार बुकक्लोजको अघिल्लो कारोबार दिन (भदौ २६ गते) सम्म कायम शेयरधनीहरुले मात्रै बैंकको लाभांश पाउनेछन्। बैंकको शेयर भदौ २५ गते बुधबार प्रतिकित्ता २०४ रुपैयाँमा कारोबार भएको छ ।
साधारण सभामा लाभांशका अतिरिक्त साधारण सभामा प्रबन्धपत्र संशोधन गर्ने, आर्थिक वर्ष २०७५/०७६ को नाफा नोक्सान सम्बन्धी हिसाब किताबका सम्बन्धमा छलफल गरि पारित गर्ने तयारी गरेको छ। यस्तै आर्थिक वर्ष २०७६/०७७ का लागि लेखापरीक्षक नियुक्ति गरी पारिश्रमिक निर्धारण गर्ने पनि तयारी गरेको छ।
चुक्ता पूँजी ८ अर्ब ६८ करोड रुपैयाँ रहेको बैंकको बोनस वितरण पछि ९ अर्ब ५५ करोड पुग्नेछ।
गत आर्थिक वर्षको चौंथो त्रैमाससम्ममा बैंकले १ अर्ब ३३ करोड रुपैयाँ खुद नाफा कमाएको छ। यस अवधि सम्ममा बैंकको प्रतिशेयर आम्दानी १५ रुपैयाँ ३६ पैसा र प्रतिशेयर नेटवर्थ १३६ रुपैयाँ ६४ पैसा छ।
