नेप्सेले एनएमबि सुलभ इन्भेष्टमेन्ट फण्ड १ (NMBSF1) को १५ प्रतिशत नगद लाभांशपछि प्रतिइकाई ९ रुपैयाँ ६१ पैसामा मूल्य समायोजन गरेको हो।
यसैगरी एनएमबि हाइब्रिड फण्ड एल १ (NMBHF1) को १० प्रतिशत नगद लाभांशपछि प्रतिइकाई ८ रुपैयाँ ५२ पैसामा नेप्सेले मूल्य समायोजन गरेको छ।
यसअनुसार बिहीबार दुबै फण्डको समायोजन भएको इकाई मूल्यलाई आधार मानेर कारोबार खुला भएको छ।
साउन १२ गते आइतबार बसेको सञ्चालक समितिको बैठकले आर्थिक वर्ष २०७५/०७६ बाट एनएमबि सुलभ इन्भेष्टमेन्ट फण्डको इकाईधनीलाई कर सहित १५ प्रतिशत नगद लाभांश र एनएमबि हाइब्रिड फण्ड एल १ को इकाईधनीलाई १० प्रतिशतका दरले नगद लाभांश वितरण गर्ने निर्णय गरेको थियो।
नेप्सेमा सूचीकृत कम्पनीको शेयरमूल्यको दश प्रतिशत वा सो भन्दा बढी नगद लाभांशमा शेयरमूल्य समायोजन हुँदै आएको छ भने दश प्रतिशत वा सो भन्दा कम नगद लाभांश वितरण गर्ने कम्पनीहरुको भने शेयरमूल्य समायोजन हुने हाल व्यवस्था रहेको छैन।
नेप्सेले बोनस शेयरमा भने जतिसुकै वितरण गरेपनि शेयरमूल्य समायोजन गर्दै आएको छ।