असार १२ को निर्देशन पालना गर्दै २२ वटा वाणिज्य बैंकले प्रतिबद्धता पठाएका थिए। पठाइएका प्रतिबद्धता अपूर्ण भएको भन्दै केन्द्रीय बैंकले केही समय पहिले पूर्ण प्रतिबद्धता सहितको पत्र पठाउन बैंकहरूलाई दोश्रो पटक पत्राचार गरिसकेको छ।
यसका साथै सबै वाणिज्यहरूलाई सम्वन्धित बैंकको क्रस होल्डिगको अवस्था बारे जानकारी दिन राष्ट्रबैंकले अर्को पत्र काटेको छ। मौद्रिक नीतिमा मर्जरमा केही छुट गरे वाहेक अनिवार्य मर्जरमा जान दवाव नदिएको भनिए पनि केन्द्रीय बैंकले पछिल्लो समय विभिन्न निर्देशनहरू मार्फत मर्जरलाई प्राथमिकता दिएको देखिन्छ।
मर्जरबारे खासै चासो नदेखाएको नविल बैंकले राष्ट्र बैंकको पछिल्लो निर्देशनपछि ढिलै भएपनि मर्जरमा चासो देखाएको हो। राष्ट्र बैंकमा नबिलले बुझाएको पत्रमा मर्जर विकल्पको बारेमा सञ्चालक समितिबाट आवश्यक निर्णय गरेर अघिबढ्ने उल्लेख गरिएको छ।
