सिटिजन्स बैंकले गत आर्थिक वर्षको तथा प्राइम लाईफले अघिल्लो आर्थिक बर्षको मुनाफाबाट वितरण गर्न लागेको लाभांशमा बुकक्लोज गरेसँगै नेप्सेले कम्पनीको शेयरमूल्य समायोजन गरी नयाँ शेयरमूल्य कायम गरेको हो ।
नेपाल स्टक एक्सचेञ्जले सिटिजन बैंकको शेयरमूल्य समायोजन गरी प्रतिकित्ता २१० रुपैयाँ ६८ पैसा कायम गरेको छ भने प्राइम लाइफको शेयरमूल्य समायोजन भइ प्रतिकित्ता ३२० रुपैयाँ ८९ पैसा कायम भएकाे छ ।
समायोजित मूल्यलाई आधार मानेर मंगलबार दुबै कम्पनीको शेयर कारोबार खुलेकाे छ ।
सिटिजन्स बैंकले ३ प्रतिशत बोनस र १२ प्रतिशत नगद गरि कूल १५ प्रतिशत लाभांश वितरण गर्न असोज १० गते तेह्रौं वार्षिक साधारण सभा आह्वान गरेको छ । साधारण सभा र लाभांश प्रयोजनका लागि बैंकले भदौ ३१ गते मंगलबार बुकक्लोज गरेको हो । भदौ ३० गते सोमबारसम्म कायम रहने शेयरधनीले मात्र पाउनेछन्।
यसैगरि प्राइम लाईफ इन्स्योरेन्सले १२.५० प्रतिशत बोनस र कर प्रयोजनका लागि ०.६५८ प्रतिशत नगद लाभांश अनुमोदन गर्न असोज ७ गते मंगलबार विशेष साधारण सभा आह्वान गरेको छ । विशेष साधारण सभा र लाभांश प्रयोजनका लागि कम्पनीले भदौ ३१ गते मंगलबार बुकक्लोज गरेकाले भदौ ३० गते सोमबारसम्म कायम शेयरधनीहरुले मात्र लाभांश पाउनेछन्।