यस्तै मंगलबारको बजारमा कर्णाली डेभलपमेन्ट बैंक, अरुण काबेली पावर, मिथिला लघुवित्त, हिमालयन डिस्टलरीको शेयरमूल्य समेत ८ प्रतिशत भन्दा बढीले सुधार भएको छ।
यता मंगलबारको कारोबारबाट गुमाउनेको कम्पनीहरुको सूचीमा १८ वटा मात्रै रहेका छन् । यस दिन एभरेष्ट इन्स्योरेन्सको शेयरधनीले सबैभन्दा धेरै ५.५९ प्रतिशतले गुमाएका छन्। इन्स्योरेन्सले भदौ २९ गते चुक्ता पूँजीको ३०० प्रतिशत हकप्रद नेप्सेमा कारोबारका लागि सूचीकृत गराएपछि शेयरमूल्यमा असर देखिएको हो ।
यस्तै आँखुखोला जलविद्युत र सिटिजन बैंकको शेयरमूल्य पनि ५ प्रतिशत भन्दा बढीले घटेको छ। सानिमा इक्वीटी फण्डको इकाई मुल्य, कालिका पावर, सिटी एक्सप्रेस फाइनान्स, लक्ष्मी भ्यालु फण्डको इकाईमूल्य, सपोर्ट माइक्रोफाइनान्स लगायतको शेयरमूल्य ओरालो लागेका छन् ।